Messi (ឆ្វេង) ដណ្តើមបាល់ជាមួយ Mexes របស់ AC Milan អំឡុងជំនួបវគ្គ១៦ក្រុមចុងក្រោយ។ AFP
Steaua Bucharest (រូម៉ានី) v Basel (ស្វ៊ីស)
ក្រុម Steaua Bucharest ដែលជាម្ចាស់ជើងឯកឆ្នាំ១៩៨៦ កំពុងតែសម្លឹងរកការដណ្តើមយកពិន្ទុជាលើកទី១របស់ពួកគេក្នុង ក្របខ័ណ្ឌ Champions League នៅរដូវកាលនេះ ខណៈ Basel ដែលបាន
ឈានទៅវគ្គ១/២ក្នុងក្របខ័ណ្ឌ Europa League កាលពីរដូវកាលមុន នឹងត្រូវព្យាយាមកសាងការជឿជាក់ដោយផ្អែកលើការទទួលជ័យជម្នះ ២-១ របស់ពួកគេនៅថ្ងៃបើកឆាកនៅលើទឹកដីរបស់ក្រុម Chelsea។
Schalke (អាល្លឺម៉ង់) v Chelsea (អង់គ្លេស)
Chelsea និង Schalke បានជួបគ្នាលើកចុងក្រោយក្នុងការប្រកួតជម្រុះតាមពូលក្នុងរដូវកាល ឆ្នាំ២០០៧-២០០៨ ខណៈការប្រកួតនៅប្រទេសអាល្លឺម៉ង់បានបញ្ចប់ក្នុងលទ្ធផលស្មើ ០-០ ប៉ុន្តែ ក្រុមរបស់អង់គ្លេស បានទទួលជ័យជម្នះ ២-០ នៅលើទឹកដី Stamford Bridge តាមរយៈគ្រាប់បាល់ស៊ុតបញ្ចូលទីរបស់ Florent Malouda និង Didier Drogba។
ពូល F
Arsenal (អង់គ្លេស) v Dortmund (អាល្លឺម៉ង់)
Arsenal ក្រុមលេខ១នៅលើកំពូលតារាង Premier League និង Dortmund ដែលជាក្រុមជើងឯករងក្នុង Champions League កាលពីរដូវកាលមុន ធ្លាប់បានជួបគ្នាក្នុងរដូវកាលឆ្នាំ២០១១-១២ ដោយនៅពេលនោះខ្សែប្រយុទ្ធ Robin van Persie បានជួយឲ្យ Arsenal ទទួលបានបីពិន្ទុក្នុងផ្ទះខ្លួនឯង បើទោះបីកីឡាករ Shinji Kagawa បានបក១គ្រាប់វិញនៅជិតបញ្ចប់ការប្រកួតក៏ដោយ Van Persie និង Ivan Perisic សុទ្ធសឹងបានរកគ្រាប់បាល់បញ្ចូលទីក្នុងពេលបញ្ចប់ក្នុងលទ្ធផលស្មើ ១-១ ក្នុងការប្រកួតជើងទី២។
Marseille (បារាំង) v Napoli (អ៊ីតាលី)
ក្រោយពីរងបរាជ័យចំនួន២លើកក្នុងការប្រកួតបើកឆាកក្នុងពូល F ទាំងពីរលើកដំបូងរបស់ពួកគេ Marseille ត្រូវតែផ្តួលក្រុមរបស់អ៊ីតាលីដើម្បីរក្សាធ្វើឲ្យក្តីសង្ឃឹមឈានទៅ វគ្គបន្តរបស់ពួកគេនៅតែនៅរស់។
ពូល G
Porto (ព័រទុយហ្គាល់) v Zenit Petersburg (រុស្ស៊ី)
Hulk ដែលជាខ្សែបម្រើមានតម្លៃខ្លួនដ៏ខ្ពស់របស់ Zenit នឹងធ្វើការវិលត្រឡប់ដ៏គួរឲ្យរំជួលចិត្តមួយទៅកាន់ទឹកដីរបស់ ក្លិប ដែលរូបគេធ្លាប់បានរកគ្រាប់បាល់បញ្ចូលទី៧៨គ្រាប់។ ក្រុមPorto មានបីពិន្ទុនឹងសម្លឹងរកការរក្សាកំណត់ត្រាមិនស្គាល់ចាញ់ក្នុង ផ្ទះខ្លួនឯងរបស់ពួកគេនៅពេលជួបក្រុមរបស់រុស្ស៊ី ក្នុងចំណោមជំនួប៥លើក។
Austria Vienna (អូទ្រីស) v At. Madrid (អេស្ប៉ាញ)
ក្រុម Athletico របស់លោក Diego Simeone បានទទួលជ័យជម្នះ២លើកពីពីរប្រកួតក្នុង Champions League ក្នុងនោះរាប់បញ្ចូលទាំងការទទួលជ័យជម្នះយ៉ាងកក់ក្តៅលើទឹកដីក្រុម Porto ផងដែរ។
ពូល H
Celtic (ស្កុតឡេន) v Ajax (ហូឡង់)
ក្រុមម្ចាស់ជើងឯកស្កុតឡេន នឹងត្រូវការលទ្ធផលដ៏ល្អមួយក្នុងការប្រកួតជាលើកទី១ក្នុងចំណោម ការប្រកួតទាំងពីរជើងជាមួយនឹង Ajax ប៉ុន្តែ ពួកគេនឹងអវត្តមានប្រធានក្រុម Scott Brown ដែលបានជាប់ពិន័យព្យួរក្រោយពីទទួលបានកាតក្រហមក្នុងពេលប្រកួត ជាមួយ Barcelona។
AC Milan (អ៊ីតាលី) v Barcelona (អេស្ប៉ាញ)
AC Milan មានសំណាងណាស់ក្នុងការទទួលបាន១ពិន្ទុនៅពេលជួប Ajax ខណៈការស៊ុតបាល់ប៉េណាល់នៅជិតបញ្ចប់ការប្រកួតដោយ Mario Balotelli បានបង្ខំឲ្យការប្រកួតបញ្ចប់ក្នុងលទ្ធផលស្មើ។ ប៉ុន្តែ ខ្សែប្រយុទ្ធរូបនេះ អាចនឹងអវត្តមាន ខណៈរូបគេបានជួបបញ្ហារបួសភ្លៅ។ Barcelona មិនបានរកគ្រាប់បាល់បញ្ចូលទីក្នុងការប្រកួតលីកជាលើកទី១ បើគិតចាប់តាំងពីខែមករា ឆ្នាំ២០១២ ក្រោយពីលេងស្មើ ០-០ ជាមួយ Osasuna។ រាល់ការប្រកួតទាំងអស់នឹងចាប់ផ្តើមនៅម៉ោង១:៤៥ទៀបភ្លឺ (ម៉ោងនៅកម្ពុជា)៕ IS
Link to: http://postkhmer.com/index.php/sport/foot-ball/105400-arsenal-barca-
No comments:
Post a Comment