បណ្ដាប្រិយមិត្តដែលចូលចិត្តទស្សនាភាពយន្តភាគចិនបុរាណពិសេសរឿង “រន្ទះដាវឥន្ទ្រីទេព” ម្នាក់ ៗសុទ្ធតែរង់ចាំដូចៗគ្នាថា តើតារាសម្ដែងណាខ្លះ នឹងលេចមុខនៅក្នុងភាពយន្តភាគដ៏ល្បីល្បាញនេះ? សម្រាប់ឆ្នាំ២០១៣ អ្នកដឹកនាំ អវីជើង បានជ្រើសរើស Michelle Chen ឬ ឆើន យៀននី តារា សម្ដែងតៃវ៉ាន់ឲ្យមកសម្ដែងជាតួអង្គ សៀវឡុងនី ដែលជាតួអង្គស្រីដ៏ស្អាតបំផុតរបស់អ្នកនិពន្ធល្បីឈ្មោះ Kim Jung ក៏ប៉ុន្តែមនុស្សភាគច្រើនយល់ថា ឆឺនយៀននី មិនសមនឹងសម្ដែងជាសៀវឡុងនីទេព្រោះនាងមានរាងធាត់ពេក។
ពេលមើលមកតួអង្គសម្ដែងផ្សេង ៗជាពិសេសលីម៉ក់ឆូវវិញ មានប្រិយមិត្តមួយចំនួនហាក់ពេញចិត្តខ្លាំង ព្រោះបានកំពូលតារាសិចស៊ីប្រចាំប្រទេសចិន មកសម្ដែងជាតួអង្គសិស្សផ្នូរបុរាណជំនាន់ទីបីដែលមានរហស្សនាមថា “ទេពធីតាសូត្រក្រហម” ដែលជាសិស្សច្បងរបស់ សៀវឡុងនី រហូតដល់ប្រិយមិត្តលាន់មាត់ថា ការដែលអ្នកដឹកនាំជ្រើសរើសតារាស្រីកំពូលសម្រស់ម្នាក់នេះមកសម្ដែង ជាលីម៉ក់ឆូវគឺដើម្បីបំបាក់តួអង្គ សៀវឡុងនី ច្បាស់ណាស់។
ថ្ងៃនេះ Sabay នឹងនាំប្រិយមិត្ត មិត្តអ្នកអាន ឲ្យបានស្គាល់ ចាង ស៊ីនយូឲ្យកាន់តែច្បាស់ថែមទៀត។
ចាងស៊ីនយូ ជាតារាដែលល្បីល្បាញបំផុតនៅប្រទេសចិន នាងបានប្រឡូកក្នុងវិស័យសិល្បៈដើមឆ្នាំ២០១០ ក្នុងឋានៈជាតារាបង្ហាញម៉ូដហើយបន្ទាប់មក នាងបានទទួលចំណាប់អារម្មណ៍ពីប្រិយមិត្តរហូតមានមុខក្នុងកាសែត និងទស្សនាវដ្ដីល្បី ៗ រហូតមានឱកាសបានសម្ដែងភាពយន្តខ្នាតធំ និងភាពយន្តទូរទស្សន៍ផងដែរ។
ចាងស៊ីនយូ គឺជាតារាជួរមុខមួយដួងដែលជាប់ឈ្មោះជានារីក្នុងដួងចិត្តបុរស ៗ ហើយត្រូវបានគេបោះឆ្នោតឱ្យ និងបានទទួលងារជា “Fan Bingbing” ទីពីរទៀត ផង។ ដោយសារមានមុខមាត់ស្រស់ស្អាត និងរូបរាងសមសួនធ្វើឲ្យមនុស្សជាច្រើនសង្ស័យថា តើនាងកើតមកស្រស់ស្អាតដោយធម្មជាតិ ឬដោយសារការវះកាត់កែសម្ផស្សពីគ្រូពេទ្យ? ចំពោះចំណុចនេះ នាងបានអះអាងថា នាងមិនបានវះកាត់កែសម្ផស្សអ្វីទាំងអស់ តែនាងទទួលស្គាល់ថា បានចាក់បូថក់ (Botox) ខ្លះដែរ។
ចំពោះការដែលនាងមានឱកាសបានសម្ដែងជាតួអង្គ លីម៉ក់ឆូវ ក្នុងភាពយន្តអមតៈដែលថតឡើងវិញពេលណា តួឯកនឹងល្បីពេលហ្នឹងនោះ គឺជាឱកាសមាសសម្រាប់នាងទៀតមិនខាន ព្រោះគ្មានអ្នកណាដឹងទេថា តើមានកំលោះប៉ុន្មាននាក់ស្ម័គ្រចិត្តសុំខ្លួនធ្វើជាអ្នកគាំទ្រ លីម៉ក់ឆូវសិចស៊ីរូបនេះទៀត?
ឈ្មោះ : Viann Zhang Xinyu (张馨予)
ថ្ងៃ ខែ ឆ្នាំកំណើត : March 28, 1987
កម្ពស់ : 169 cm
ទម្ងន់ : 49 kg
ទំហំទាំងបី : 35F 24 34
ក្រុមឈាម : AB
តារាក្នុងដួងចិត្ត : Lady Gaga
សមិទ្ធផលភាពយន្ត ៖
- If You Are the One II ២០១០
- Summer Love ២០១១
- Chase Our Love ២០១១
- The Lion Roars 2 ២០១១
- No Liar, No Cry ២០១១
- Flying Swords of Dragon Gate ២០១១
- I Love Hong Kong ២០១២
- Flash Play ២០១២
- The Unfortunate Car (២០១២)
- Dark Wedding (២០១២)
- Demi-Gods and Semi-Devils 2013
Link to: http://news.sabay.com.kh/articles/477717
No comments:
Post a Comment