ខាងក្រោមនេះ គឺជាបញ្ជីឈ្មោះតារាស្រី ២០ ដួង ដែលអ្នកសារព័ត៌មានផ្ដោតលើវិស័យសិល្បៈចូលចិត្តតាមដានពីជីវិត ផ្ទាល់ខ្លួនរបស់ពួកគេ ក្នុងនោះរួមមាន៖
១ កញ្ញា សុគន្ធ និសា
តារាចម្រៀងល្បីឈ្មោះហើរចេញពីទ្រនំហង្សមាស ចូលទៅជ្រកកោនក្នុងទ្រនំ Town ក្រោយចែកផ្លូវគ្នានឹងអតីតសង្សារកវីនិពន្ធ លោក សុខ ជំនោរ កញ្ញា សុគន្ធ និសា ជាទីចំណាប់អារម្មណ៍របស់បណ្ដាញសារព័ត៌មានក្នុងស្រុក។
ជីវិតឯកជនរបស់តារាចម្រៀងរូបនេះតែងតែលេចឡើងលើបណ្ដាញ website កាសែត និងទស្សនាវដ្ដី មិនចេះចប់មិនចេះហើយ បើទោះជាពេលខ្លះសាច់រឿងស្ងប់ស្ងាត់ហើយក៏ដោយ ក៏អ្នកសារព័ត៌មានជជីកយកមកចុះផ្សាយដដែល រួមទាំងការមិននិយាយស្ដីជាមួយអ្នកសារព័ត៌មានទៀតធ្វើឱ្យកញ្ញា កាន់តែមានឈ្មោះលើបណ្ដាញសារព័ត៌មាន៕
២ អ្នកនាង ចន ច័ន្ទលក្ខិណា
បើទោះជារៀបការមានកូនមួយហើយយ៉ាងណាក៏ដោយ អ្នកនាង ចន ច័ន្ទលក្ខិណា តែងមានវត្តមានលើកាសែត ទស្សនាវដ្ដី និង គេហទំព័រនានា ពីបញ្ហាគ្រួសារ ក៏ដូចជាមានអ្នកទី ៣ ជ្រែកស្នេហ៍៕
ពិធីការិនីរបស់ស្ថានីយទូរទស្សន៍ បាយ័ន រូបនេះជីវិតឯកជនរបស់នាងជាទីពេញនិយមបំផុតពីសំណាក់សារព័ត៌មាន ដោយសារតែនាងមិនដែលផ្ដល់បទសម្ភាសន៍ជាមួយអ្នកកាសែតទេ។ ពេលខ្លះមិនទាំងឱ្យអ្នកកាសែតថតរូបទៀតផងនៅពេលចូលរួមកម្មវិធី ម្ដងៗ។ អ្វីដែលធ្វើឱ្យអ្នកកាសែតចាប់អារម្មណ៍ខ្លាំងបំផុត គឺស្នេហារបស់នាងជាមួយ មេកើយរបស់ខ្លួនធ្វើឱ្យអ្នកមេម៉ាយរូបនេះ មានវត្តមានមិនចេះដាច់លើទំព័រព័ត៌មានក្នុងស្រុក៕
ពិធីការិនីឆ្នើមរូបនេះក៏មិនចាញ់តារាផ្សេងដែរ អ្នកសារព័ត៌មានតែងយកចិត្តទុកដាក់បំផុតពីជីវិតឯកជនរបស់នាង ជាពិសេសទំនាក់ទំនងស្នេហាផ្អែមល្ហែមរវាងនាង និងពិធីកររួមទ្រនំ លោក ជា វិបុល៕
តារាសម្ដែង និងជាពិធីការិនីរូបនេះ ក៏ជាទីចាប់អារម្មណ៍ពីសំណាក់បណ្ដាញសារព័ត៌មានក្នុងស្រុកផងដែរ ដោយសារតែ កែវ និសា ជាតារាមួយរូបដែលអ្នកកាសែតចាត់ទុកថាជាតារាសម្បូរទៅដោយរឿង អាស្រូវ។ ប្រការនេះហើយទើបធ្វើឱ្យអ្នកសារព័ត៌មានចូលចិត្តតាមប្រមាញ់ពី ជីវិតផ្ទាល់ខ្លួនរបស់នាងបំផុត បើទោះជាពេលខ្លះនាងមិនធ្វើអត្ថាធិប្បាយនឹងពួកគេក៏ដោយ៕
ការរកប្រាក់ដើម្បីដោះបន្ទុកបំណុល រួមទាំងមានមន្ត្រីថ្នាក់ផ្កាយជ្រែកស្នេហ៍ធ្វើឱ្យអ្នកនាង កែវ ពេជ្រពិសី លេចវត្តមានមិនចេះចប់មិនចេះហើយលើបណ្ដាញសារព័ត៌មានក្នុងស្រុក។ ទោះជាពេលខ្លះនាងបានប្រកែកពីបញ្ហាអស់ទាំងនេះយ៉ាងណាក៏ដោយក៏ អ្នកកាសែតនៅតែលើកយកមកចុះផ្សាយដដែល៕
បើទោះជារឿងអាស្រូវកន្លងមកបានស្ងប់ស្ងាត់បន្តិចហើយយ៉ាងណាក៏ ដោយ ក៏បញ្ហាស្នេហ៍របស់ មាស សុខសោភា និងគូដណ្ដឹងនៅតែជាការចាប់អារម្មណ៍របស់អ្នកសារព័ត៌មានក្នុង ស្រុកដដែល៕
តារាចម្រៀងស្រីឈានមុខរបស់ផលិតកម្មសាន់ដេរូបនេះ ទើបតែស្ងប់ស្ងាត់រឿងអាស្រូវ ជុំវិញការយកកូនចេញស្ងាត់ៗយ៉ាងណាក៏ដោយ ប៉ុន្តែកញ្ញា សុខ ពិសី នៅតែជាគោលដៅចម្បងរបស់បណ្ដាញសារព័ត៌មានក្នុងស្រុកជុំវិញមាន អ្នកនៅឧបត្ថម្ភពីក្រោយខ្នង៕
តារាចម្រៀងស្រីរូបនេះមិនទាន់បែកធ្លាយព័ត៌មានណាមួយពីបញ្ហា ជីវិតផ្ទាល់ខ្លួនរបស់នាងឡើយដោយសារតែម្ដាយរបស់នាងតែងតែនៅតាម ពីក្រោយជាប់រហូត។ យ៉ាងណាក៏ដោយកាសែត និងទស្សនាវដ្ដីក្នុងស្រុកតែងចុះផ្សាយថាកញ្ញាមានមន្ត្រីធំតាមពី ក្រោយជាប់រហូត។ បញ្ហាទាំងអស់នេះហើយ ធ្វើឱ្យព័ត៌មានរបស់នាងតែងតែលេចលឺលើបណ្ដាញសារព័ត៌មានក្នុងស្រុក នានា៕
បញ្ហាគ្រួសារ បញ្ហាទំនាក់ទំនងនឹង លោក ស៊ុក សុភា រួមទាំងការមានទំនាក់ទំនងជាមួយបុរសក្រៅស្រុកធ្វើឱ្យព័ត៌មានរបស់ អ្នកនាង ម៉េង កែវពេជ្ជតា ហាក់មិនសូវរំលងមួយលេខណារបស់ទស្សនាវដ្ដីក្នុងស្រុកឡើយ។ ការមិនសូវធ្វើអត្ថាធិប្បាយនឹងអ្នកកាសែតទៀតសោតបានធ្វើឱ្យនាង តែងមានឈ្មោះលើបណ្ដាញសារព័ត៌មាន៕
ទោះជាតារាសម្ដែង sexy រូបនេះ បានផ្អាកពីសិល្បៈមួយរយៈមិនទាន់ប្រឡូកចូលសិល្បៈឡើងវិញបែបណា ក៏ដោយ ក៏កេរ្តិ៍ឈ្មោះរបស់នាងនៅតាមបណ្ដាញសារព័ត៌មានក្នុងស្រុកមាន សកម្មភាពមិនចាញ់តារាៗ ដែលមានសកម្មភាពក្នុងពិភពសិល្បៈរាល់ថ្ងៃនេះទេ។ បញ្ហារូបសម្ផស្ស រួមទាំងមានអ្នកជួយឧបត្ថម្ភនៅពីក្រោយធ្វើឱ្យ វ៉ាង ស្រីណូ ជាទីចាប់អារម្មណ៍ពីអ្នកសារព័ត៌មាន ក្នុងការតាមប្រមាញ់៕
កញ្ញា ពេជ្រ សូលីកា មិនដែលផ្ដល់បទសម្ភាសន៍ដល់អ្នកសារព័ត៌មានទេ ពេលខ្លះនាងក៏មិនឱ្យថតរូបផងដែរ ពេលចូលរួមកម្មវិធីផ្សេង។ ចុងប៉ាកកា របស់អ្នកសារព័ត៌មាននៅតែរង់ចាំសរសេរ ពីរឿងរ៉ាវ របស់កញ្ញា ពេជ្រ សូលីកា ទាក់ទងនឹង មានមន្ត្រីថ្នាក់ផ្កាយនៅពីក្រោយចាំជួយឧបត្ថម្ភគ្រប់បែបយ៉ាង ចំពោះនាង៕
កញ្ញា ឱក សុគន្ធកញ្ញា ជាតារាចម្រៀងល្បីឈ្មោះរបស់ផលិតកម្មរស្មីហង្សមាស ហើយក៏ជាទីពេញនិយមរបស់អ្នកសារព័ត៌មានក្នុងស្រុកផងដែរ។ ទោះជាទំនាក់ទំនងរវាងកញ្ញា និងអតីតសង្សារជាអ្នកលេងភ្លេង លោក រ៉េតធី ដូណា ហាក់ស្ងប់ស្ងាត់ហើយក្ដី ប៉ុន្តែបញ្ហាដទៃទៀតរបស់តារារូបនេះ តែងលេចវត្តមាននៅលើបណ្ដាញសារព័ត៌មានក្នុងស្រុកនានា៕
តារាសម្ដែងវ័យក្មេងល្បីឈ្មោះរូបនេះ ទោះជាមិនសូវមានរឿងអាស្រូវបែបណាក៏ដោយ ក៏ប៉ុន្តែ អ្នកកាសែតចូលចិត្តជជីកសួរពីជីវិតផ្ទាល់ខ្លួនរបស់នាងជានិច្ច ហើយព័ត៌មានកញ្ញាលើបណ្ដាញសារព័ត៌មាននានាតែងមានវត្តមានរហូត៕
បញ្ហាកែដើមទ្រូង ក៏ដូចជាមានសម្រស់ស្រស់ធ្វើឱ្យបុរសៗលង់ស្នេហ៍ រួមទាំងការរួសរាយដាក់អ្នកកាសែត បានធ្វើឱ្យព័ត៌មានកញ្ញា កុល ដាវី មានឈ្មោះលើបណ្ដាញសារព័ត៌មានជាប់រហូត។ ម្យ៉ាងទៀតពេលមានបញ្ហាផ្ទាល់ខ្លួនតារារូបនេះតែងតែបកស្រាយជូន អ្នកកាសែតជានិច្ចបើទោះជារឿងនោះពិត ឬមិនពិតយ៉ាងណាក៏ដោយ៕
ពិធីការិនីដ៏ទាក់ទាញរបស់ CTN រូបនេះ ក៏មិនចាញ់តារាផ្សេងៗដទៃទៀតប៉ុន្មានដែរ ដោយក្រុមអ្នកសារព័ត៌មានតែងតែជជីកសួរពីជីវិតផ្ទាល់ខ្លួនរបស់ នាង ជាពិសេសអ្នកចាំជួយឧបត្ថម្ភពីក្រោយធ្វើឱ្យនាងសម្ញែងរបស់ល្អៗ ពេលចូលរួមកម្មវិធីផ្សេងៗ៕
ពេជ្រ សេរីរ័ត្ន ជាពិធីការិនី ដែលអ្នកសារព័ត៌មានចូលចិត្តតាមប្រមាញ់ជាទីបំផុតដោយសារតែតារា រូបនេះ មានបញ្ហារឿងអាស្រូវច្រើន ជាពិសេសការយកកូនចេញជាមួយបុរសមានទ្រព្យបន្ទាប់ពីនាងចែកផ្លូវ គ្នានឹងអ្នកគ្រប់គ្រងកម្មវិធីទូរទស្សន៍ បាយ័ន លោក គង់ វិសាល៕
បញ្ហាគ្រួសារ ក៏ដូចជាអាជីពជាអ្នកសិល្បៈធ្វើឱ្យបណ្ដាញសារព័ត៌មានក្នុងស្រុក ផ្ដោតការយកចិត្តទុកដាក់ជាខ្លាំងទៅលើអ្នកនាង សឿ សុធារ៉ា ដោយបានយកមកចុះផ្សាយជាបន្តបន្ទាប់។ ទោះជាពេលខ្លះក្រុមគ្រួសាររបស់នាងសុំផ្អាកការផ្សាយពីជីវិត គ្រួសារខ្លួនយ៉ាងណាក៏ដោយតែនៅតែមានអ្នកកាសែតចុះផ្សាយ បន្តបន្ទាប់ដដែល៕
អ្នកសារព័ត៌មានក្នុងស្រុកនានានៅតែផ្ដោតការយកចិត្តទុកដាក់ ទៅលើជីវិតផ្ទាល់ខ្លួនរបស់អ្នកនាង លី ម៉ារីណា ដដែល បើទោះជាអ្នកនាងបានរៀបការទៅរស់នៅជាមួយស្វាមីនៅអាមេរិកផ្អាក ពីសិល្បៈហើយក្ដី។ បញ្ហាដោយសារតែអ្នកនាងធ្លាប់មានរឿងអាស្រូវមានទំនាក់ទំនងនឹង មន្ត្រីថ្នាក់ផ្កាយម្នាក់រហូតដល់ប្រពន្ធដើមគំរាមសម្លាប់ទៀតផង៕
ពិធីការិនីវ័យក្មេងរបស់ CTN កញ្ញា ជីជី ក៏ជាទីចាប់អារម្មណ៍របស់បណ្ដាអ្នកសារព័ត៌មានក្នុងស្រុកដែរ។ កត្តាធ្វើឱ្យអ្នកសារព័ត៌មានក្នុងស្រុកចូលចិត្តតាមដានពីជីវិតឯក ជនរបស់នាង ព្រោះកញ្ញាធ្លាប់មានរឿងអាស្រូវជាច្រើន រួមទាំងបញ្ហាមួយចំនួននៅក្នុងសិល្បៈ៕
ok . i think that all Information u posting is so good .
ReplyDelete