លោក វ៉ាត់ ចំរើន (ស្តាំ) និងតំណាងម្ចាស់ឧបត្ថម្ភ នៅក្នុងពិធីបើកសម្ពោធ ដាក់ឲ្យប្រើប្រាស់ជាផ្លូវការនូវមជ្ឈមណ្ឌលវិទ្យាសាស្ត្រកីឡានិង វេជ្ជសាស្ត្រកីឡា នៅទីស្នាក់ការ NOCC កាលពីថ្ងៃអាទិត្យ។ យឺន ពន្លក
អានអត្ថបទផ្សេង: Patriots រក្សាការឈ្នះ ឯ Eagles ទៅវគ្គ Playoff
លោកវ៉ាត់ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា បានមានប្រសាសន៍ថា៖ «ដោយកិច្ចប្រឹងប្រែងរួមគ្នារវាងមន្ត្រីបច្ចេកទេសដែលមានជំនាញកីឡា និងដោយមានឱកាសគ្រប់គ្រាន់ពីរាជរដ្ឋាភិបាលនៃព្រះរាជាណាចក្រកម្ពុជា NOCC ក៏បានយកចិត្តទុកដាក់លើបញ្ហាវេជ្ជសាស្ត្រកីឡានិងវិទ្យាសាស្ត្រ កីឡានិងសម្រេចបានមជ្ឈមណ្ឌលដ៏សំខាន់នេះ នៅពេលនេះ»។
លោកអគ្គលេខាធិការបានលើកហេតុផលថា ដោយសារនិន្នាការកីឡាសព្វថ្ងៃនេះបានឈានចូលក្នុងលំដាប់ស្មើមុខ ស្មើមាត់ជាមួយបណ្តាប្រទេសជិតខាងក្នុងតំបន់និងដោយមានប្រភេទកីឡា ខ្លះយើងមានប្រៀបលើគេវិញផង បញ្ហាវេជ្ជសាស្ត្រកីឡានិងវិទ្យាសាស្ត្រកីឡាគឺជារឿងសំខាន់។
លោកវ៉ាត់ ចំរើន បានបន្តថាកីឡាត្រូវតែផ្សារភ្ជាប់ជាមួយវេជ្ជសាស្ត្រនិង វិទ្យាសាស្ត្រដោយខានមិនបានពីព្រោះការវិវឌ្ឍរបស់កីឡាត្រូវបាន កែសម្រួលទៅតាមវិទ្យាសាស្ត្រនិងការរីកចម្រើននៃពិភពលោកហើយមជ្ឈមណ្ឌល វិទ្យាសាស្ត្រកីឡានិងវេជ្ជសាស្ត្រកីឡានេះ បង្កើតឡើងក្រោមការជួយឧបត្ថម្ភរបស់ក្រុមប្រឹក្សាអូឡាំពិកអាស៊ី (OCA)ដោយមានកិច្ចសហប្រតិបត្តិការល្អនិងទទួលបានបន្ទាប់ពីមានផែនការ យុទ្ធសាស្ត្រនិងកម្មវិធីច្បាស់លាស់។
លោកអគ្គលេខាធិការ វ៉ាត់ ចំរើនបានថ្លែងបន្តថា ដោយសារស្ថានភាពប្រទេសយើងកន្លងមក ជួបបញ្ហាសង្គ្រាមពិសេសក្រោយពេលសន្តិភាពយើងនៅខ្វះធនធានមនុស្សនិង សម្ភារ ព្រមទាំងខ្វះការស្វែងយល់ពីសារប្រយោជន៍ទើបមជ្ឈមណ្ឌលវិទ្យាសាស្ត្រ កីឡានិងមជ្ឈមណ្ឌលវេជ្ជសាស្ត្រកីឡាកម្ពុជានេះ ទើបតែបង្កើតឡើងក្រោយគេបង្អស់នៅក្នុងតំបន់អាស៊ាននិងពិភពលោក។
សម្រាប់អាណត្តិក្រោយនេះដែលចាប់ពីខែវិច្ឆិកាឆ្នាំ២០១៣ទៅ គណៈកម្មាធិការជាតិអូឡាំពិកកម្ពុជាបានសម្លឹងឃើញពីសារៈសំខាន់នៃ មជ្ឈមណ្ឌលនេះព្រោះមជ្ឈមណ្ឌលនេះក្លាយជាកន្លែងមួយដែលផ្ដល់នូវ បទពិសោធដល់អត្តពលិកនិងគ្រូបង្វឹកព្រោះពួកគាត់នឹងអាចយល់ថា អត្តពលិកអាចហ្វឹកហាត់ពេលព្រឹកហើយសម្រាកនៅពេលថ្ងៃដើម្បីស្ដារ កម្លាំងត្រៀមការហ្វឹកហាត់នៅពេលល្ងាចបានទៀត។
លោកបានបន្ថែមទៀតថានៅពេលដែលកីឡដ្ឋានមរតកតេជោសាងសង់រួច គណៈកម្មាធិការជាតិNOCC នឹងបង្កើនសមត្ថភាពមជ្ឈមណ្ឌលវេជ្ជសាស្ត្រកីឡានិងវិទ្យាសាស្ត្រកីឡា ឲ្យស្ថិតក្នុងកម្រិតតំបន់ឬកម្រិតស្តង់ដារថ្នាក់ទ្វីបតែម្ដង។ សព្វថ្ងៃនេះយើងដើរក្រោយគេមែនប៉ុន្តែយើងនឹងព្យាយាមឲ្យយើងដើរ ជិតទាន់គេដើរទន្ទឹមគេឬលឿនជាងគេតែម្ដង៕
Link to: http://postkhmer.com/index.php/sport/nocc/105406-nocc
No comments:
Post a Comment