កីឡាកររបស់ក្រុម NSK Dream player (ស) ឱបកីឡាករម្នាក់របស់ក្រុម Cellcard Eagles អំឡុងការប្រកួតក្របខ័ណ្ឌកីឡាបាល់បោះ CBL នៅឯទីលាន Beeline Arena កាលពីថ្ងៃសៅរ៍។ រូបថត ស្រេង ម៉េងស្រ៊ុន
Patriots បានបង្ហាញទម្រង់លេង និងភាពខ្លាំងជាធម្មតារបស់ពួកគេនៅលើទីលាន Beeline Arena កាលពីថ្ងៃសៅរ៍ និងបានកត់ត្រាជ័យជម្នះដ៏គួរឲ្យចាប់អារម្មណ៍មួយផ្សេងទៀត តាមរយៈការធ្វើឲ្យក្រុម Phnom Penh Dragons ស្ថិតក្រោមសម្ពាធទាំងស្រុងក្នុងពេលពួកគេទទួលជ័យជម្នះ ៧៥-៥៣។
នៅក្នុងការប្រកួតដ៏គួរឲ្យរំភើបបំផុតនៅថ្ងៃដដែលនោះ គេសង្កេតឃើញថា ក្រុម Cellcard Eagles បានឡើងទៅឈរក្នុងចំណាត់ថ្នាក់លេខ៨ ដែលជាចំណាត់ថ្នាក់ចុងក្រោយក្នុងការឈានទៅប្រកួតវគ្គ Playoff (ជម្រុះ) ក្រោយពីផ្តួលក្រុម NSK Dream ក្នុងលទ្ធផល ៦១-៥៣។
អ្វីដ៏គួរឲ្យចាប់អារម្មណ៍នោះគឺថា ក្រុមទាំងពីរសុទ្ធសឹងបានបង្ហាញភាពខ្លាំងដូចគ្នា មិនដូចការប្រកួតមុនៗរបស់ពួកគេឡើយបើទោះបីពួកគេត្រូវតែប្រកួត ដោយគ្មានវត្តមានរបស់កីឡាករសំខាន់ខ្លួនក៏ដោយ។
ក្រុម Dream បានអវត្តមានកីឡាករ Reazzy ហើយ Eagles បានបាត់បង់កីឡាករ Sean Looney។
នៅពេលដែលលទ្ធផលនៃការប្រកួតដ៏សំខាន់នេះត្រូវបានប្រកាសឡើង ក្រុមដែលចូលរួមក្នុងវគ្គ Playoff ទាំង៨ក្រុមត្រូវបានដឹងដោយស្វ័យប្រវត្តិ បើទោះបីលេខរៀងចំណាត់ថ្នាក់ចុងក្រោយនឹងត្រូវដឹង ក្រោយពីការប្រកួតពីរសប្តាហ៍ទៀតក៏ដោយ។ ក្រុមចំនួន៨ដែលនឹងឈានទៅប្រកួតក្នុងវគ្គជម្រុះដែលនឹងចាប់ផ្តើម នៅថ្ងៃទី២៣ ខែវិច្ឆិកានេះ រួមមាន Alaxan FR Patriots, IRB The Lord, Sela Meas, CCPL Heat, Phnom Penh Dragons, Pate 310, Extra Joss Warriorsនិង Cellcard Eagles។
ការប្រកួតចំនួនពីរផ្សេងទៀតកាលពីថ្ងៃសៅរ៍ មិនបានជះឥទ្ធិពលដល់វគ្គPlayoff ឡើយ។ ក្រុម CCPL Heat បានផ្តួលក្រុម Extra Joss Warriors ក្នុងលទ្ធផល ៩១-៥៥។ ស្របពេលដែលមានកីឡាករត្រឹមតែ៧នាក់បានចូលលេងឲ្យWarriors ក្រុមមួយនេះមិនអាចរារាំងការដាក់សម្ពាធដ៏ធំពីសំណាក់កីឡាករ ជម្រើសជាតិបញ្ញា សុវណ្ណ បានឡើយ។
បើទោះបីធ្លាក់ចេញពីវគ្គជម្រុះក៏ដោយ ប៉ុន្តែ Post Buffaloes បានបង្ហាញពីភាពខ្លាំងដ៏គួរឲ្យចាប់អារម្មណ៍នៅមុនពេលផ្តួលក្រុម IRB The Lord ក្នុងលទ្ធផល ៦៤-៤៧៕ IS
លទ្ធផលកាលពីថ្ងៃសៅរ៍
- Alaxan FR Patriots (កីឡាករ Aimar Sabayo រកបាន 18 ពិន្ទុ, John Cornito 9 ពិន្ទុ, Salvador 8 ពិន្ទុ) បានផ្តួល Phnom Penh Dragons (ឡេង សេង 12 ពិន្ទុ, Matsuki Nishikawa 8 ពិន្ទុ, Jay Booklin 6 ពិន្ទុ) ក្នុងលទ្ធផល 75-53
- Cellcard Eagles 61 (Don Buer 20 ពិន្ទុ, Geoff Harry 11 ពិន្ទុ) ផ្តួល NSK Dream 53 (មាស រ៉ាវុធ 14 ពិន្ទុ, សុខបញ្ញា 12 ពិន្ទុ, ជឹម ចាន់ដារ៉ា 11 ពិន្ទុ)
- CCPL Heat (បញ្ញា សុវណ្ណ 28ពិន្ទុ Kai Pak 13 ពិន្ទុ, Largo Engelbert 9 ពិន្ទុ) ផ្តួល Extra Joss Warriors (Fred Babida 17 ពិន្ទុ, Carlos Gatdula 12 ពិន្ទុ) ក្នុងលទ្ធផល 91-55
- IRB The Lord (ម៉ុញ រតនា 20 ពិន្ទុ, Patri Som 12 ពិន្ទុ) ផ្តួល Post Buffaloes 47 (Jay Roden 17 ពិន្ទុ, Gino Gicqueau 9 ពិន្ទុ) ក្នុងលទ្ធផល 61-47
Link to: http://postkhmer.com/index.php/sport/other-sport/105408-patriots-eagles-playoff
No comments:
Post a Comment