យោងតាមទិន្នន័យឧស្សាហកម្មនៅក្នុងប្រទេសចិន
បានបង្ហាញថា ទីផ្សារលក់រថយន្តប្រភេទទេសចរណ៍ក្នុងប្រទេស
មានអត្រាខ្ពស់ប្រចាំខែមករា ជាមួយនឹងបរិមាណលក់បាន១,៨៨លានគ្រឿង
។ សមាគមរថយន្តទេសចរណ៍របស់ចិន បានឱ្យដឹងថា
ទីផ្សារលក់របស់រថយន្តប្រភេទសុីដាន SUV,
រថយន្តប្រើប្រាស់បានប្រយោជន៍ (MPV) និងរថយន្ត Minivan
បានកើនឡើង១០,១% ធៀបនឹងខែធ្នូ ឆ្នាំ២០១៣ ។
ចំណែករបាយការណ៍នៅក្នុងខែធ្នូ ការលក់សម្រេចបាន៣,៧%
ច្រើនជាងកម្រិតខ្ពស់បំផុតប្រចាំខែ កាលពីឆ្នាំមុនទៅទៀត ។
លោក Rao Da លេខាទូទៅរបស់សមាគមថ្លែងថា
ទីផ្សាររថយន្តកើនឡើង១៧% កាលពីឆ្នាំមុន
គឺនៅតែដំណើរការទៅមុខយ៉ាងល្អ ។ លោកបានបកស្រាយថា
«ក្រុមថ្មីនៃអ្នកទិញរថយន្ត
បាននិងកំពុងធ្វើឱ្យមានដំណើរការនៃកំណើនទីផ្សារ
ចាប់តាំងពីត្រីមាសទី៤» ។ លោកបន្តទៀតថា
ក្រុមហ៊ុនផលិតរថយន្តក្នុងស្រុកជាច្រើននៅក្នុងប្រទេសចិន
ក្នុងនោះមានតែយីហោ Chang មួយប៉ុណ្ណោះ
បានគ្រប់គ្រងលក្ខណៈដែលធ្វើឱ្យខ្លួនជាប់ក្នុងបញ្ជីលំដាប់កំពូល
ទាំង១០ នៅក្នុងទីផ្សារលក់ប្រចាំខែមករា។ ជាងនេះទៅទៀត លោក Rao
បានព្យាករថា ទីផ្សារលក់រថយន្តនឹងបន្តកើនឡើងនៅខែកុម្ភៈនេះ ។
ម្យ៉ាងទៀត
បើទុកជាវិស្សមកាលនៃនិទាឃរដូវនេះបានបង្ហាញឱ្យឃើញថា
ពាណិជ្ជករជាច្រើនបិទទ្វារផ្អាកដំណើរការអាជីវកម្មរបស់ខ្លួនមួយ
សប្តាហ៍យ៉ាងណាក៏ដោយ ចំណែកការកាត់ថ្លៃខ្ពស់ត្រូវបានគេរំពឹងថា
នឹងធ្វើឡើងនៅក្នុងខែមីនា នៅពេលដែលរដូវលក់ដាច់បានមកដល់នោះ
៕
No comments:
Post a Comment