ពូថៅបុរាណ
ដែលអាចបានចាត់ទុកថា ខ្មែរភាគតិចបំផុតកម្របានឃើញ បានបង្ហាញរូបរាងពិត
នៅលើបណ្ដាញសង្គមដ៏ពេញនិយម និងទទួលបានកើតសរសើរមិនដាច់ពីមាត់ថាក្បូរក្បាច់នៅលើពូថៅនេះ
ពិតជាស្រស់ និងមិនធ្លាប់ឃើញពីមុនមក។ពូថៅបុរាណដ៏កម្រនេះត្រូវបាន
Post លើបណ្ដាញសង្គម ដោយ ឯកឧត្ដម ខៀវ កាញារីទ្ធ
រដ្ឋមន្ត្រីក្រសួងព័ត៌មាន កាលពីម្សិលមិញនេះ។
មានប្រសាសន៍ប្រាប់ Sabay នៅមុខនេះ ឯកឧត្ដម រដ្ឋមន្ត្រីបានរៀបរាប់ថា ពូថៅនេះត្រូវបានកកាយឃើញ នៅទីទួលបុរាណមួយកន្លែង នាតំបន់វាលសោះខ្យល់ ក្នុងស្រុកស្ទឹងត្រង់ ខេត្តកំពង់ចាម។ “អ្នកស្រុកម្នាក់ ដែលធ្លាប់រស់នៅជាមួយគ្នាកាលពីជំនាន់ប៉ុលពត បានប្រគល់ពូថៅនេះឲ្យខ្ញុំ កាលពីឆ្នាំ២០០០។ប៉ុន្តែ ខ្ញុំមិនដឹងថា ពូថៅនេះស្ថិត ក្នុងសតវត្សណាទេ”។ឯកឧត្ដម បន្ថែម។
លោក ចិន្ដ ច័ន្ទរតនា បណ្ឌិតផ្នែកបុរាណវិទ្យា និងប្រវត្តិសិល្បៈអាស៊ីអាគ្នេយ៍ ដែលបានឃើញទ្រង់ទ្រាយ និងក្បូរក្បាច់របស់ពូថៅខាងលើ បានសន្និដ្ឋានថា ពូថៅនេះអាចស្ថិតនៅ ក្នុងសតវត្សទី ១៨ ឬសតវត្សទី១៩ ដែលចៅហ្វាយស្រុក ឬអ្នកមានឋានៈខ្ពង់ខ្ពស់ បញ្ជាឲ្យឆ្លាក់ ដើម្បីទុកប្រើ ឬសម្រាប់ទុកបូជា។
ទោះយ៉ាងណាបណ្ឌិតផ្នែកបុរាណវិទ្យា រូបនេះ បានបន្ថែមទៀតថា បើមើលតាមក្បូរក្បាច់នៅលើផ្ទាំងប្រាសាទ ពូថៅនៅសម័យអង្គរ ស្អាតជាងពូថៅនេះ។
Link to source: http://news.sabay.com.kh
No comments:
Post a Comment