ព្រឹត្តិការណ៍នេះនឹងរៀបចំឡើងនៅពហុកីឡាដ្ឋាន “LA Memorial Coliseum” ដែលមានកៅអីសម្រាប់អ្នកទស្សនាជិត ១០ម៉ឺននាក់ នៅថ្ងៃទី១២ ខែមេសា ចាប់ពីម៉ោង ៥ល្ងាច។ សម្រាប់ការចំណាយទាំងអស់ នឹងត្រូវរ៉ាបរងដោយស្ថានីយ៍ទូរទស្សន៍ KBS America។
តារាចម្រៀងល្បីៗចំនួន ១៤ក្រុម នឹងចូលរួមសម្ដែងក្នុងកម្មវិធីនេះ ហើយកម្មវិធីនេះនឹងមានផ្សាយនៅប៉ុស្តិ៍ KBS នៅរយៈពេល ២សប្ដាហ៍ក្រោយពីការប្រគំតន្ត្រី។
តារាចម្រៀងមួយចំនួនដែលនឹងឡើងសម្ដែងក្នុងព្រឹត្តិការណ៍ដ៏ធំ មួយនេះមានដូចជា 2PM, SHINee, SISTAR, CNBLUE, Dynamic Duo, Girls Day, Kim Tae Woo, និង Song So Hee។ ចំពោះវិធីដែលអាចទទួលបានសំបុត្រទស្សនា នឹងត្រូវប្រកាសនៅពេលក្រោយ។
នេះជាលើកទី២ហើយ ដែលស្ថានីយទូរទស្សន៍ KBS រៀបចំការប្រគំតន្រ្តីនៅសហរដ្ឋអាមេរិក ដែលកាលពីឆ្នាំ ២០១១ ពួកគេបានរៀបចំការប្រគំតន្ត្រី “New York Korea Festival” ដើម្បីអបអរខួបទី២០ឆ្នាំ ដែលប្រទេសកូរ៉េបានចូលជាសមាជិកអង្គារសហប្រជាជាតិ ៕
No comments:
Post a Comment