អ៊ីម៉ែល បុគ្គលិក បូមប្រេងម្នាក់ ៖​ ខ្ញុំគិតថា បានឃើញ យន្តហោះ ម៉ាឡេស៊ី ផ្ទុះឆេះ និងធ្លាក់ចុះ

យោងតាមការដកស្រង់ អត្ថបទផ្សាយ ពីគេហទំព័រ សារព័ត៌មាន បរទេស ញូវ ដតខម អោយដឹងថា  បុរសជនជាតិ អូស្រ្តាលី បម្រើការនៅឯការដ្ឋាន បូមប្រេងមួយកន្លែង​​ ទើបតែ បានផ្ញើអ៊ីម៉ែល មកអាជ្ញាធរ មានសមត្តកិច្ចអោយដឹងថា គាត់គិតថា គាត់ពិតជាបានឃើញ យន្តហោះ ម៉ាឡេស៊ី ដែលបានបាត់ខ្លួននោះ ពិតជាបានផ្ទុះឆេះ និងធ្លាក់ចូលទៅក្នុងសមុទ្រ កាលពីវេលាទាបភ្លឺ ថ្ងៃសៅរ៍កន្លងទៅនេះ ។

គួរបញ្ជាក់ផងដែរថា បេក្ខភាព បុរសដែលជាសាក្សី ឃើញហេតុការណ៍ រយៈចម្ងាយឆ្ងាយ  ផ្ទាល់ភ្នែកខាង លើរូប     នេះ​ មាន ឈ្មោះ ថា  Mike McKay  ជាជនជាតិ អូស្រ្តាលី បម្រើការ អោយការដ្ឋានបូមប្រេង Songa Mecur ភាគអាគ្នេយ៍ ប្រទេសវៀតណាម ដោយនៅក្នុងនោះ គាត់បានបញ្ជាក់ថា ក្នុងរយៈ ពេលប៉ុន្មានថ្ងៃចុងក្រោយនេះ​ គាត់ពិតបានព្យាយាម ទាក់ទងទៅកាន់ អាជ្ញាធរ មានសមត្តកិច្ចប្រ ទេសវៀតណាម ក៏ដូចជា ម៉ាឡេស៊ី ក្នុងការស្រាយបំភ្លឺរឿងខាងលើ ហើយខ្ញុំបាទ ពិតជាបានផ្ញើ អ៊ី ម៉ែលទន្ទឹមគ្នាផងដែរ តែពុំបានដឹងថា ពួកគាត់​ ពិតជាទទួលបាន ឬក៏យ៉ាងណានោះទេ ។ខាងក្រោម នេះ គឺជារូបភាព ផ្តិតចេញពី ទំព័រអ៊ីម៉ែល ដែលគាត់ បានផ្ញើទៅកាន់ អាជ្ញាធរ ប្រទេសវៀតណាម ក៏ ដូចជា អាជ្ញាធរ ប្រទេសម៉ាឡេស៊ី ៕