សារព័ត៌មាន អូស្ត្រាលីបានស្រងសំដីរដ្ឋមន្ត្រីការពារជាតិលោក David Johnston ដែលបាននិយាយថា ក្នុង«រយៈពេលតែពីរបីថ្ងៃ»ខាងមុខនេះ អាជ្ញាធរគួរដឹងពីអ្វីមួយពិតប្រាកដថាតើការឃើញនោះអាចជាបំណែក យន្តហោះម៉ាឡេស៊ីដែលកំពុងបាត់ខ្លួនឬយ៉ាងណា។
រូបភាពផ្កាយរណបបង្ហាញពីបំណែកដែលត្រូវបានឃើញ
ទោះ ជាយ៉ាងណា អាជ្ញាធរសុវត្ថិភាពផ្លូវសមុទ្រអូស្ត្រាលី (AMSA)បាននិយាយថា កងទ័ពអាកាសអូស្ត្រាលីដែលបានបញ្ជូនទៅនៅថ្ងៃព្រហស្បតិ៍នេះដើម្បី ស៊ើបអង្កេតពីបំណែកដែលជាបំណែកយន្តហោះ Boeing 777 មិនទាន់ចូលទៅដល់ទេ ដោយសារអាកាសធាតុអាក្រក់ខ្លាំងពេក។
ឧទ្ធម្ភាគចក្រ P-3 ត្រូវបានបញ្ជូនទៅតំបន់មហាសមុទ្រឥណ្ឌាដែលមានចម្ងាយប្រហែល២៥០០ គីឡូម៉ែត្រភាគខាងត្បូងនៃឈូងសមុទ្រពែក បន្ទាប់ពីអូស្ត្រាលីបានបង្ហាញថា មានបំណែកពីរនៅលើសមុទ្រដែលអាចជាបំណែកយន្តហោះ MH370។
លោក នាយករដ្ឋមន្ត្រីអូស្ត្រាលី Tony Abbott បានប្រាប់សភាថា បំណែកបានបង្ហាញពី«ព័ត៌មាន និងគួរឲ្យជឿជាក់ថ្មី» តែបានសង្កត់ធ្ងន់ថា សញ្ញាណាមួយពាក់ព័ន្ធនឹងយន្តហោះ MH370 នៅតែមិនអាចបញ្ជាក់បាន។ ចំណែកប្រទេសម៉ាឡេស៊ីក៏បាននិយាយដែរថា ព័ត៌មានអាចជា«សញ្ញាជឿជាក់មួយ» ប៉ុន្តែសង្កត់ធ្ងន់ថា ខ្លួនមិនអាចនិយាយអ្វីបាននៅឡើយទេ។
មន្ត្រីរបស់ AMSA លោក John Young និយាយថា មានស្នាមពណ៌ខ្មៅនៅលើផ្ទៃទឹកដែលតម្រូវឲ្យមានការរុករកបន្ថែម ដើម្បីបញ្ជាក់ឲ្យកាន់តែច្បាស់។ បើទោះនេះជាតម្រុយថ្មីពីជើងហោះហើរ MH370 ក៏ដោយក៏ខាង AMSA បានបង្ហើបថា រូបភាពនោះគឺច្បាស់នោះទេ តែវាជាចំណុចថ្មីដែលអាចផ្ដល់ពន្លឺដល់ការស៊ើបអង្កេត៕
Link to source: http://news.sabay.com.kh
No comments:
Post a Comment