កាលពីថ្ងៃទី១០ ខែមីនា សារព័ត៌ មាន Wantchinatimes បានផ្សព្វផ្សាយ ថា ជនជាតិចិនមួយក្រុមបានអះអាងថា ក្រុមរបស់ខ្លួនជាអ្នកវាយប្រហារទៅលើ យន្ដហោះដឹកអ្នកដំណើរម៉ាឡេស៊ី។ ក្រុម ភេរវកម្មដែលបានប្រកាសអះអាងថា “ជាក្រុមវាយប្រហារអត្ដឃាតជនជាតិ ចិន”បានចេញមុខថា ខ្លួននៅពីក្រោយ ការវាយប្រហារលើយន្ដហោះដឹកអ្នក ដំណើរ២៣៩នាក់ ដែលមានជនជាតិចិន ជាង១៥០នាក់ជិះនៅក្នុងនោះដែរ ។
កាលពីថ្ងៃទី៩ ខែមីនា ក្នុងលិខិតមួយ ដែលមិនបញ្ចេញឈ្មោះបានផ្ញើទៅកាន់ ទីស្នាក់ការសារព័ត៌មានជាច្រើនក្នុង ប្រទេសចិនដោយមានខ្លឹមសារ“អ្នក សម្លាប់ទាហានយើងម្នាក់ យើងនឹង សម្លាប់សងសឹង១០០នាក់” ។
ប្រព័ន្ធផ្សព្វផ្សាយរបស់ចិនក៏បាន បង្ហាញមន្ទិលសង្ស័យពីក្រុមមិនបញ្ចេញ ឈ្មោះទាំងនោះ ហើយលិខិតខាងលើមិន ត្រូវបានផ្សព្វផ្សាយតាមកាសែតនានា នោះឡើយ ដោយលិខិតខាងលើមិនគួរឱ្យ ទុកចិត្ដពីក្រុមភេរវកម្ម ។
នៅពេលនេះ មន្ដ្រីទទួលខុសត្រូវចិន មិនទាន់មានប្រតិបត្ដិកម្មទៅលើសារ លិខិតខាងលើនោះឡើយ ។ ក្នុងចំណោមអ្នក ដំណើរនៅលើយន្ដហោះមានជនជាតិ ចិនដល់ទៅ១៥៤នាក់ ។ ពេលនេះ មន្ដ្រី ម៉ាឡេស៊ីកំពុងបើកការស្រាវជ្រាវពីការ វាយប្រហារភេរវកម្មដោយយន្ដហោះ ប្រភេទប៊ូអ៊ីងមិនដែលជួបហេតុការណ៍ បាត់ទំនាក់ទំនងពេលកំពុងហោះហើរនោះឡើយ មានតែអំពើភេរវកម្មតែប៉ុណ្ណោះ ។
ក្រុមភេរវកម្មនៅក្នុងប្រទេសចិន កំពុងបង្កការព្រួយបារម្ភជាខ្លាំងពីរដ្ឋាភិ បាល ដោយកន្លងមក មានការវាយ ប្រហារជាច្រើនកើតឡើង ។ កន្លងមក ក្រុមមិនស្គាល់មុខបានបើកការវាយ ប្រហារដោយកាំបិតសម្លាប់មនុស្ស២៩នាក់ នៅខេត្ដយូណាន ។
នាវា៤០គ្រឿង យន្ដហោះ២២គ្រឿង ស្វែងរកយន្ដហោះបាត់ខ្លួននៅតែមិនទាន់ឃើញ
ប្រទេសជាច្រើនបានបញ្ជូនទាំងនាវា ចម្បាំង និងយន្ដហោះចម្បាំងទៅជួយ ស្វែងរកយន្ដហោះដឹកអ្នកដំណើរប្រភេទ Boing B777-200 មានលេខសម្គាល់ MH370 របស់ក្រុមហ៊ុនអាកាសចរណ៍ ម៉ាឡេស៊ី មានអ្នកដំណើរនិងអាកាស យានិក២៣៩នាក់បានបាត់ខ្លួនកាលពី រំលងអធ្រាត្រឈានចូលថ្ងៃទី៨ ខែមីនា ឆ្នាំ២០១៤ ។ មកទល់ពេលនេះ មិនទាន់ រកឃើញនៅឡើយទេ ។
ក្រុមអ្នកឯកទេសជឿជាក់ថា យន្ដហោះដែលនៅសុខសុខបាត់ខ្លួននោះជាលទ្ធ ផលនៃការវាយប្រហារភេរវកម្ម ហើយ ក្រុមFBI បានចូលរួមក្នុងសកម្មភាព ស្រាវជ្រាវពីការបាត់ខ្លួនដោយចៃដន្យនោះ ។
សារព័ត៌មាន AFP បានដកស្រង់ សម្ដីរដ្ឋមន្ដ្រីដឹកជញ្ជូន និងការពារជាតិ ម៉ាឡេស៊ី លោកហ៊ីសាម៉ូឌីន ហូសេន បានឱ្យដឹងថា មន្ដ្រីទទួលខុសត្រូវកំពុង តែត្រួតពិនិត្យឡើងវិញបញ្ជីឈ្មោះអ្នក ដំណើរទាំងអស់ ដោយក្នុងនោះមានអ្នក ដំណើរ៤នាក់ស្ថិតក្នុងមន្ទិលសង្ស័យ ក្នុង នោះមានពីរនាក់ប្រើប្រាស់លិខិតឆ្លងដែនដែលលួចពីគេ ។
លោកហូសេន បានឱ្យដឹងទៀតថា “ខ្ញុំ មានឈ្មោះអ្នកដំណើរ៤នាក់ស្ថិតក្នុងការ មង្ទិលសង្ស័យ ហើយខ្ញុំបានផ្ដល់ឈ្មោះ ទាំងនោះឱ្យស្ថាប័នចារកម្ម និងស្រាវ ជ្រាវអន្ដរជាតិស្រាវជ្រាវឱ្យបានច្បាស់ លាស់” ។
នាយករដ្ឋមន្ដ្រីម៉ាឡេស៊ីបានប្រកាស ថា នឹងរឹតបន្ដឹងសន្ដិសុខទាំងស្រុងនៅ តាមអាកាសយានដ្ឋាន ក្រោយពេល មានអ្នកដំណើរអាចបន្លំប្រើប្រាស់លិខិត ឆ្លងដែនក្លែងក្លាយឡើងជិះយន្ដហោះ ដោយងាយស្រួល ។
រដ្ឋមន្ដ្រីការពារជាតិម៉ាឡេស៊ីបាន បញ្ជាក់ទៀតថា ក្រុមស្រាវជ្រាវម៉ាឡេ ស៊ីនិងមជ្ឈមណ្ឌលស្រាវជ្រាវអាមេរិក FBI បានបើកការស្រាវជ្រាវជាទ្រង់ ទ្រាយរកមូលហេតុពីការបាត់យន្ដហោះ ខាងលើ ។ សារព័ត៌មានឡូអេនជឺឡេស ថាមបានដកស្រង់សម្ដីមន្ដ្រីជាន់ខ្ពស់ អាមេរិកបានឱ្យដឹងថា មន្ដ្រីFBI កំពុង ត្រួតពិនិត្យយ៉ាងល្អិតល្អន់រូបភាពអ្នកធ្វើ ដំណើរនៅអាកាសយានដ្ឋានគូឡាឡាំពួរ។ ក្រុមFBI ក៏បានត្រួតពិនិត្យថា តើអ្នក ដែលប្រើលិខិតឆ្លងដែនដែលលួចពីគេ មានជាប់ពាក់ព័ន្ធក្រុមភេរវកម្មអាល់ កៃដាឬទេ?
ពាក់ព័ន្ធនឹងការបាត់យន្ដហោះនោះផងដែរ កម្លាំងទាហានវៀតណាមដែល ជួយរុករកយន្ដហោះបាត់ខ្លួន ថតបានរូប ភាពវត្ថុចម្លែកអណ្ដែតនៅលើដែន សមុទ្រដែលគេសង្ស័យថា នោះជាទ្វារ យន្ដហោះ ។ ប៉ុន្ដែគេមិនទាន់បានរើស យកមកបញ្ជាក់ឱ្យបានច្បាស់លាស់ នៅឡើយ ។
ការបាត់ខ្លួនយន្ដហោះរបស់ក្រុមហ៊ុនអាកាសចរណ៍ Malaysia Airline កាលពីព្រឹកថ្ងៃសៅរ៍ទី៨ ខែមីនា ពេលដែល យន្ដហោះបានឆ្លងចូលដល់ដែនអាកាសវៀតណាមនោះកំពុងស្ថិតនៅក្នុងភាព អាថ៌កំបាំងនៅឡើយមកទល់ពេលនេះ ។ ប្រតិបត្ដិការស្វែងរកយន្ដហោះកំពុងបន្ដធ្វើឡើងយ៉ាងសស្រាក់សស្រាំ ដោយមាន ការចូលរួមពីបណ្ដាប្រទេសជាច្រើនដែលក្នុងនោះមានទាំងអាមេរិក និងភ្នាក់ងារ ស៊ើបអង្កេតល្បី FBI ផងដែរ ។ តែទោះ ជាយ៉ាងណាក្ដីមានការសន្និដ្ឋានខ្លះៗបានចាត់ទុកការបាត់ខ្លួននៃ យន្ដហោះនេះថា ជាប់ពាក់ព័ន្ធនឹងបញ្ហាភេវរកម្ម ដោយ សារមានការក្លែងបន្លំលិខិតឆ្លងដែនរបស់អ្នកដំណើរ ។ ជាការពិតចំពោះការហោះ ហើរនៃយន្ដហោះចំណុចដែលគ្រោះថ្នាក់បំផុតនោះគឺនៅពេលដែលយន្ដហោះចុះ និងយន្ដហោះឡើង ហើយគេកម្រឃើញ គ្រោះថ្នាក់កើតមានឡើងឬប៉ះទង្គិចអ្វីមួយពេលដែលយន្ដហោះកំពុងស្ថិត នៅរយៈ កម្ពស់រហូតដល់១១គីម៉ែត្រដូចយន្ដហោះដែលបានបាត់ Boeing 777 នេះណាស់ ។ ដូច្នេះមួលហេតុដែលអាចជាប់ពាក់ព័ន្ធ ទៅនឹងការបាត់ខ្លួននៃយន្ដហោះបន្ថែមពីលើការជាប់ពាក់ព័ន្ធនៃអំពើ ភេរវកម្ម ដោយយោងតាមការលើកឡើងរបស់អ្នកកាសែតជំនាញប្រចាំទីភ្នាក់ងារព័ត៌មាន អាមេរិក AP ។
១-អាកាសធាតុមិនល្អ យន្ដហោះធំៗដែលដឹកអ្នកដំណើរនេះគឺបង្កើតឡើង ដែលអាចហោះហើរឆ្លងកាត់ខ្យល់ព្យុះ ឬអាកាសធាតុមិនល្អបានដោយគ្មាន បញ្ហាប្រឈមឡើយ ។ តែយ៉ាងណាកាល ពីឆ្នាំ២០០៩ យន្ដហោះដឹកអ្នកដំណើរ របស់បារាំង ដែលហោះពីទីក្រុង Rio de Janeiro ទៅកាន់ទីក្រុងប៉ារីសបានធ្លាក់ ពេលកំពុងហោះហើរហើយជួបជាមួយនឹងខ្យល់ព្យុះនៅមហាសមុទ្រអាត្លង់ទិក ។
២-អ្នកបើកយន្ដហោះបាត់បង់ស្មារតី អ្នកជំនាញអះអាងថាពេលខ្លះកំពុងបើកបរយន្ដហោះអ្នកបើកបរអាចប្រឈមនឹង បញ្ហាបាត់បង់ស្មារតី ។ ក្រោយពេលដែល អ្នកបើកបរមានស្មារតីគ្រប់គ្រាន់ឡើងវិញ វាយឺតពេលទៅហើយដើម្បីបញ្ជាយន្ដ ហោះនោះនិងស្ដារស្ថានការណ៍គ្រោះថ្នាក់ឡើងវិញនោះ ។
៣-យន្ដហោះមានបញ្ហាគ្រឿងម៉ាស៊ីនទាំងពីរពេលកំពុងហោះហើរ កាលពីឆ្នាំ២០០៨ ខែមករា យន្ដហោះអង់គ្លេស មួយគ្រឿងបានធ្លាក់ពេលវាកំពុងឡើង បានត្រឹមតែ៣០០ម៉ែត្រប៉ុណ្ណោះ ដោយសារវាមានបញ្ហាគ្រឿងម៉ាស៊ីន ។ តែយ៉ាងណាប្រសិនបើយន្ដហោះកំពុងហោះហើរហើយមានបញ្ហាគ្រឿងម៉ាស៊ីននោះ អ្នកបើកមានរយៈពេលរហូតដល់២០នាទីដើម្បីទាក់ទងសុំការសង្គ្រោះ ។
៤-មានការដាក់គ្រាប់បែកលើយន្ដហោះ មានយន្ដហោះជាច្រើនដែល មានគ្រោះថ្នាក់ដោយសារការដាក់បំផ្ទុះ នៅលើអាកាស ។ ជាឧទាហរណ៍ដូចជា យន្ដហោះដែលហោះចេញពីទីក្រុងញូវយ៉កទៅកាន់ទីក្រុងឡុងនៅឆ្នាំ ១៩៨៩ យន្ដហោះរបស់ប្រទេសបារាំងបានផ្ទុះឆេះលើតំបន់សាហារា ។
៥-ចោរប្លន់យន្ដហោះ ចោរប្លន់ យន្ដហោះគឺជារឿងដែលកើតមានតាំងពីយូរយារមកហើយតែយ៉ាងណាគេកម្រ ឃើញករណីប្លន់ណាដែលកំទេចយន្ដហោ ចោលណាស់ ។ ជាធម្មតាពួកចោរប្លន់ ទាំងនោះភាគច្រើនចាប់ខ្លួនអ្នកដំណើរ ជាចំណាប់ខ្មាំងហើយចាប់ផ្ដើមទាមទារអ្វីមួយដែលខ្លួនចង់បានជាថ្នូរ នឹងការដោះ លែងចំណាប់ខ្មាំង ។
៦-អ្នកបើកបរធ្វើអត្ដឃាត នៅចុងទសវត្សន៍ទី៩០ មានព្រឹត្ដិការណ៍ប៉ះទង្គិចគ្នារវាងយន្ដហោះពីរគ្រឿង Silk Air flight និង EgyptAir flight ។ អ្នក ជំនាញបានបញ្ជាក់ថា អ្នកបើកបរបាន រៀបចំនិងមានចេតនាបើកបំបុកគ្នា រវាងយន្ដហោះទាំងពីរ ។ តែទោះជាយ៉ាង ណាខាងក្រុមហ៊ុនបានប្រកាសថា វាជា ព្រឹត្ដិការណ៍ដែលកើតឡើងដោយចៃដន្យប៉ុណ្ណោះ ។
៧-មានការបាញ់យន្ដហោះទម្លាក់ វាអាចជាមូលហេតុមួយដែរដែលកងកម្លាំងយោធាប្រទេសមួយច្រឡំបាញ់ ទម្លាក់ យន្ដហោះស៊ីវិលដូចយន្ដហោះដែលបានបាត់នោះ ។ នៅក្នុងខែកក្កដាឆ្នាំ១៩៨៨ កងទ័ពជើងទឹកអាមេរិកពោលគឺនាវាចម្បាំង USSVincennes ច្រឡំបាញ់ទម្លាក់ យន្ដហោះដឹកអ្នកដំណើររបស់អ៊ីរ៉ង់ ហើយបានសម្លាប់អ្នកដំណើរប្រមាណ២៩០នាក់ផងដែរ ។ ចំណែកនៅក្នុងឆ្នាំ១៩៨៣ កងកម្លាំងរបស់ប្រទេសរុស្ស៊ី បាញ់ទម្លាក់យន្ដហោះដឹកអ្នកដំណើររបស់ ក្រុមហ៊ុនអាកាសចរណ៍កូរ៉េផងដែរ ។
ដូច្នេះករណីបាញ់ទម្លាក់យន្ដហោះដឹកអ្នកដំណើរអាចជាមូលហេតុមួយ នៅពី ក្រោយការបាត់ខ្លួននៃយន្ដហោះក្រុមហ៊ុនអាកាសចរណ៍ម៉ាឡេស៊ីផងដែរ ៕
No comments:
Post a Comment