Google ដែលបានបញ្ជូនរថយន្តបំពាក់កាមេរ៉ាមក
ចាប់យករូបភាពនានាក្នុងតំបន់អង្គរនាពេលកន្លងទៅ
ឥឡូវនេះបានសម្ពោធដាក់ឲ្យប្រើប្រាស់រូបភាពទេសភាពតាមដងវិថី ឬ
Street View នៃតំបន់អង្គរដ៏ល្បីល្បាញ លើផែនទី Google Maps
ជាផ្លូវការហើយ នៅព្រឹកនេះ ក្រោមវត្តមានអ្នកយកព័ត៌មានជាតិ
និងអន្តរជាតិមកពីទូទាំងពិភពលោក ប្រហែល៩០នាក់។
ការបើកសម្ពោធ
រូបភាពទេសភាពតាមដងវិថីនៃតំបន់អង្គរនេះ
គឺធ្វើឡើងនៅខេត្តសៀមរាបតែម្ដង។
ដូច្នេះប្រជាជនជុំវិញពិភពលោកអាចទស្សនាតំបន់ប្រាសាទអង្គរ
គយគន់តួប្រាសាទ ព្រមទាំងចម្លាក់នានាយ៉ាងជាក់ស្ដែង
តាមរូបភាពឌីជីថលកម្រិត៣៦០ដឺក្រេ លើបណ្ដាញអ៊ីនធឺណិត។
ដើម្បីបង្កើតរូបភាពទេសភាពតាមដងវិថីនៃតំបន់អង្គរនេះបាន Google បានប្រើប្រាស់ឧបករណ៍ច្រើនប្រភេទ មានទាំងរថយន្តជិះជុំវិញតំបន់អង្គរ
និង Street View Trekker ដើរជុំវិញសំណុះប្រាសាទ
ព្រមទាំងជើងកាមេរ៉ា
ផ្ដិតយករូបភាពផ្នែកខាងក្នុងនៃប្រាង្គប្រាសាទទាំងអស់ដោយប្រុង
ប្រយ័ត្ន។
លោក Manik Gupta ប្រធានគ្រប់គ្រងផលិតផលនៃផែនទី Google Maps
ថ្លែងថា៖ “យើងសង្ឃឹមថា ប្រជាជនកម្ពុជា
និងប្រជាជនទូទាំងពិភពលោកអាចស្វែងយល់ពីកេរ្តិ៍មរតកវប្បធម៌
និងកេរ្តិ៍ដំណែលបុរាណរបស់ប្រទេសកម្ពុជាតាមវិធីដ៏ថ្មីសន្លាងមួយ
នេះ”។
ទន្ទឹមគ្នានេះដែរ Google
ក៏សម្ពោធការដាក់តាំងរូបភាពផ្សេងៗ នៅលើគម្រោងអច្ឆរិយពិភពលោក ឬ
World Wonders Project នៃវិទ្យាស្ថានចងក្រងវប្បធម៌របស់ Google
(Google Cultural Institute)ផងដែរ
ដែលគេអាចចូលទៅមើលយ៉ាងលម្អិតពីចម្លាក់សិល្បៈដ៏ល្បីល្បាញ
ដូចជាចម្លាក់រឿងកូរសមុទ្រទឹកដោះ និងចម្លាក់ផ្សេងៗទៀត
មានរហូតដល់ជិត៣០០ផ្ទាំង
ដោយរូបខ្លះថតតាំងពីទសវត្សឆ្នាំ១៩៤០មកម៉្លេះ។
លោក
Amit Sood អគ្គនាយកនៃវិទ្យាស្ថានចងក្រងវប្បធម៌របស់ Google
(Google Cultural Institute) ថ្លែងថា ការចងក្រងវប្បធម៌នេះ
គឺដើម្បីធ្វើឲ្យបេតិកភណ្ឌនានានៅលើពិភពលោកងាយស្រួលក្នុងការ
ស្វែងរក និងអភិរក្សតាមលក្ខណៈឌីជីថល។
លោកបញ្ជាក់ថា៖
“តាមរយៈការបង្ហាញលើបណ្ដាញអ៊ីនធឺណិតនូវទស្សនីយភាពនៃតំបន់អង្គរ
ដែលជានិមិត្តរូបដ៏អស្ចារ្យបំផុតរបស់ប្រទេសកម្ពុជា យើងសង្ឃឹមថា
នឹងអាចទាក់ទាញប្រជាជនទូទាំងពិភពលោកឲ្យស្វែងយល់បន្ថែមទៀតអំពី
ពិភពសិល្បៈ និងវប្បធម៌ខ្មែរដែលជាទីគាប់ចិត្តនេះ”។
ខណៈពេលនេះ
Google កំពុងតែនាំអ្នកសារព័ត៌មានប្រហែល៩០នាក់
មកពីជុំវិញពិភពលោកដើរទស្សនាប្រាសាទជាមួយនឹងរូបភាពទេសភាពតាម
ដងវិថីដែលគេអាចមើលបានក្នុងទូរសព្ទដៃស្មាតហ្វូនរបស់គេ៕
Link to source: http://news.sabay.com.kh
No comments:
Post a Comment