តាមការឱ្យដឹងពីអ្នកចាត់ការទូទៅក្នុងផលិតកម្មសាន់ដេលោក ឡាយ សុកចំរើន ឱ្យដឹងថា ខ្សែភាពយន្តខាងលើនឹងដាក់បញ្ចាំងថ្ងៃទី ៨ និងទី៩ ខែវិច្ឆិកា ខាងមុខនេះនៅរោងភាពយន្ត លុច្ស និងរោងភាពយន្តមហោស្រព ចេនឡា។
ខ្សែភាពយន្ត “ព្រាយក្បាល៨” ចូលរួមសម្ដែងដោយតារាល្បីៗ រូបថត៖ ផលិតកម្ម សាន់ដេ
អ្នកចាត់ការទូទៅរូបនេះរំពឹងថា ស្នាដៃទីបួនរបស់ផលិតកម្មខ្លួននឹងអាចទាក់ទាញបានការគាំទ្រច្រើន ពីទស្សនិកជននៅពេលដាក់បញ្ចាំង។ ការរំពឹងខ្ពស់ថា នឹងអាចមានមនុស្សចូលទស្សនាច្រើនដោយលោកសំអាងទៅលើខ្សែភាពយន្ត “ព្រាយក្បាល៨” ចូលរួមសម្ដែងដោយតារាល្បីៗទាំងអស់របស់ផលិតកម្មសាន់ដេ រួមទាំងតារាល្បីៗពីខាងក្រៅជាច្រើនរូបទៀត។
តារាល្បីៗចូលរួមសម្ដែងខ្សែភាពយន្តខាងលើរួមមាន លោក ឆាយ វិរៈយុទ្ធ កញ្ញា សុខ ពិសី លោក ខេមរៈ សិរីមន្ត កញ្ញា អ៊ីវ៉ា លោក ខាន់ ជែមន៍ អ្នកនាង សុខ ស្រីនាង លោក អាន គុណកូឡា កញ្ញា អែនជី លោក ហេង ពិទូ កញ្ញា យូរី លោក ហង្ស ឧត្ដមម៉ានី លោក មាស សាលី លោក ជុំ លីណូ លោក សុខ រក្សា លោក ប៊ុន សក្កិ លោក អ៊ីណូ អ្នកនាង ស្វែង សុជាតា លោក មូល សុវណ្ណគិរី លោក ចា រិទ្ធី កញ្ញា លីនដា រួមទាំងតារាសម្ដែងល្បីៗជាច្រើនរូបទៀត។
នេះជាស្នាដៃទីបួនហើយរបស់ផលិតកម្មសាន់ដេ បន្ទាប់ពីរឿង “អង្គុលីមារ” រឿង “ព្រាយដែកគោល” រឿង “វិញ្ញាណបិសាចជញ្ជក់ឈាម”៕
តើប្រិយមិត្តគិតថារឿង “ព្រាយក្បាល៨” ដែលជាស្នាដៃទីបួន” របស់ផលិតកម្មសាន់ដេនេះនឹងអាចទាក់ទាញការគាំទ្រពីទស្សនិកជនច្រើន ដូចរឿងមុនៗដែរឬយ៉ាងណា?
Link to: http://news.sabay.com.kh
No comments:
Post a Comment