វេជ្ជបណ្ឌិត ប៉ាយ ហ៊ីឡុង ជំនាញវះកាត់តឆ្អឹងកំភួនជើងពន្លូតកម្ពស់ដ៏ល្បីឈ្មោះនៅក្រុងស៊ាងហៃ។ រូបថត AFP
ថ្វីដ្បិតតែវិធីវះកាត់ពន្លូតកម្ពស់ត្រូវប្រឈមនឹងការឈឺចាប់ មានតម្លៃថ្លៃ និងត្រូវប្រើឈើច្រត់ដើរ ឬដេកលើគ្រែជាច្រើនខែក្ដី ក៏ភាពរើសអើងកម្ពស់ក្នុងសង្គមបានធ្វើឲ្យមនុស្សមួយចំនួនសុខចិត្ត ឆ្លងកាត់ការលំបាកទាំងនេះឲ្យតែបានកម្ពស់ខ្ពស់។
ការប្រើវិធីយកដែកអបឆ្អឹងបាក់និងបណ្តុះកោសិកាឆ្អឹងថ្មីឲ្យ លូតវែងជាងមុននេះត្រូវបានរកឃើញដោយលោកវេជ្ជបណ្ឌិតហ្គាវរីល អ៊ីលីហ្សារ៉ូវដែលជាគ្រូពេទ្យជំនាញខាងវះកាត់តឆ្អឹងបាក់ជាតិរុស្ស៊ី តាំងពីឆ្នាំ១៩៥១។ វិធីនេះក៏បានក្លាយជាការអនុវត្តដ៏សាមញ្ញបំផុតសម្រាប់ជនរងគ្រោះ បាក់ឆ្អឹងការតម្រង់ឆ្អឹងឬភ្ជាប់ឆ្អឹងបាក់ឡើងវិញ។ ទោះជាយ៉ាងណាការវះកាត់តឆ្អឹងរមែងជួបរងនូវការឈឺចាប់ខ្លាំង ធ្វើឲ្យអារម្មណ៍អ្នកជំងឺមិនស្រួលចិត្តនិងមានអត្រាឆ្លងជំងឺផ្សេង ៗខ្ពស់។ តែវិធីតនិងបណ្តុះឆ្អឹងឲ្យលូតវែងជាងមុនដែលគេបានរកឃើញនៅក្នុង ឆ្នាំ១៩៩០នេះមានអត្រារងការឈឺចាប់តិចជាងមុន។ ថ្មីៗនេះការវះកាត់បណ្តុះឆ្អឹងអវយវៈរបស់ក្មេងៗមានការកើនឡើងគួរ ឲ្យកត់សម្គាល់។
ទោះបីជាការវះកាត់តឬបណ្តុះឆ្អឹងនោះមានលក្ខណៈដូចជាការធ្វើ បាបខ្លួនឲ្យរងការឈឺចាប់ក្តីក៏គេឃើញនៅតែមានអត្រាស្វែងរកនូវ សេវាកម្មនេះមានការកើនឡើងឥតឈប់ឈរដដែល។
ចំពោះសេវាកម្មនេះនៅឯសហរដ្ឋអាមេរិកមានតម្លៃ៨៥០០០ដុល្លារ។អ្នក ដែលមិនអាចស៊ូទ្រាំនឹងការឈឺចាប់នោះ មិនត្រូវបានវេជ្ជបណ្ឌិតណែនាំឲ្យទទួលការវះកាត់ឡើយព្រោះការពន្លូត កម្ពស់ដោយវះកាត់ឆ្អឹងកំភួនជើងនេះមិនត្រូវបានគេប្រើថ្នាំបំបាត់ ការឈឺចាប់ទេ ដោយសារតែពពួកថ្នាំទាំងនេះអាចកាត់បន្ថយ ឬរារាំងការដុះលូតលាស់ឆ្អឹងត្រង់មុខតំណនោះ។
អ្នកជំនាញនៅក្រុងញូវយ៉កនោះបានឲ្យដឹងថា ជាទូទៅការវះកាត់បណ្តុះឆ្អឹងអាចបណ្តុះឲ្យលូតបានប្រវែងពី៥ទៅ៧ សង់ទីម៉ែត្របាន ខណៈពួកគេក៏ធ្លាប់ទទួលបាននូវបទពិសោធបណ្តុះឲ្យលូតបានដល់ទៅ ប្រវែង១៥សង់ទីម៉ែត្រផងដែរ។ ទោះយ៉ាងណាវាជាការវះកាត់ដែលប្រថុយគ្រោះថ្នាក់ និងទាមទារជំនាញពិតប្រាកដ។ កន្លងមកសូម្បីតែប្រទេសចិនក៏ធ្លាប់បានហាមប្រាមការផ្ដល់សេវា វះកាត់ពន្លូតកម្ពស់នេះផងដែរ៕ PR
Link to: http://postkhmer.com/index.php/lifestyle/health/105506-2013-10-23-03-48-19
No comments:
Post a Comment