ថត សីមា ប្រធានចាត់ការផលិតកម្មវឌ្ឍរក្សថា៖ “គោលបំណងធំរបស់យើងគឺយកឧបករណ៍ភ្លេងបុរាណមួយចំនួនដូចជា គែន សាដៀវ ស្នែង ប៉ីពក ប៉ីអ ជាពិសេសពិណខ្មែរជាដើម ដែលប្រជាជនខ្មែរនៅតាមជនបទពុំដែលធ្លាប់បានឃើញ ឲ្យបានស្គាល់នូវមរតកដូនតារបស់យើង។ កន្លែងមក ពេលដែលយើងទៅសម្ដែងជូន សូម្បីតែឪពុកម្ដាយក៏មិនស្គាល់ឧបករណ៍ភ្លេងខ្លះផង ពីព្រោះអ្នកដែលចេះលេងឧបករណ៍ភ្លេងទាំងនោះគឺតិចណាស់”។
ទន្ទឹមនឹងនោះ ថត សីមា ក៏ចង់បង្ហាញបទចម្រៀងដែលផលិតកម្មរបស់ខ្លួននិពន្ធ ពុំចម្លងគេ បង្ហាញជូនប្រជាជនតាមជនបទបានទស្សនា។ កន្លងមក ក្រុមសម្ដែងរបស់គាត់បានសម្ដែងជូនចំនួនបួនដងមកហើយ គឺពីរដងនៅខេត្តបាត់ដំបង និងពីរដងនៅខេត្តឧត្តរមានជ័យ។ ក្នុងការសម្ដែងម្ដងៗ មានទាំងការបង្ហាញជូនពីទម្រង់សិល្បៈបុរាណ សម្ដែងដោយក្រុមរបស់អង្គការសិល្បៈខ្មែរអមតៈ និងទម្រង់សិល្បៈសម័យដោយផលិតកម្មរបស់អ្នកនាង ថត សីមា ផ្ទាល់។
ថន សីមាថា៖ “តាមគម្រោងរបស់យើង គឺចង់សម្ដែងទូទាំងប្រទេសតែម្ដង ដើម្បីឲ្យយុវជនតាមជនបទបានរីករាយជាមួយនឹងសិល្បៈបុរាណខ្មែរយើង។ ការទស្សនាគឺពុំគិតលុយទេ។ រាល់ការចំណាយនានា គឺយើងបានពីការរៃអង្គាសប្រាក់ពីសហរដ្ឋអាមេរិកនាពេលកន្លងមក”។
Link to: http://news.sabay.com.kh/articles/495118
No comments:
Post a Comment