ការប្រណាំង Indian F1 Grand Prix នៅទីលាន Buddh International Circuit ត្រូវបានលុបចេញពី កម្មវិធីប្រកួតនៅឆ្នាំ២០១៤ និងប្រហែលជាមិនវិលមកវិញនាឆ្នាំបន្ទាប់ពីនោះឡើយ។ AFP
ការប្រណាំងរថយន្តមួយនេះ ត្រូវបានលុបចោលរួចជាស្រេចចេញពីកម្មវិធីបណ្តោះអាសន្នសម្រាប់ឆ្នាំ ក្រោយ ហើយទោះបី ការវិលទៅប្រកួតវិញត្រូវបានគ្រោងសម្រាប់ឆ្នាំ២០១៥ក៏ដោយ ប៉ុន្តែ មិនមានអ្វីជាផ្លូវការត្រូវបានសម្រេចនៅឡើយទេ។
លោក Vicky Chandhok ប្រធានសហព័ន្ធកីឡាប្រណាំងរថយន្តរបស់ប្រទេសឥណ្ឌា និងជាឪពុករបស់កីឡាករប្រណាំងរថយន្ត Karun Chandhok បាននិយាយថា៖«ប្រសិនបើវាមិនវិលមកវិញក្នុងឆ្នាំ២០១៥ទេនោះ វាប្រហែលជាលែងមានការប្រណាំងទៀតហើយ។ នោះជាកង្វល់របស់ខ្ញុំ។ នៅពេលដែលអ្នកបរាជ័យក្នុងការប្រណាំងមួយ វាអាចនឹងក្លាយជាបរាជ័យជារៀងរហូត»។
លោកបានបន្តថា៖ «នោះគឺជាមូលហេតុដែលខ្ញុំអំពាវនាវឲ្យគ្រប់គ្នាក្នុងប្រទេសឥណ្ឌា ធ្វើឲ្យការប្រណាំងនៅថ្ងៃអាទិត្យនេះគឺជាព្រឹត្តិការណ៍មួយដែលត្រូវ ចងចាំ ហេតុនេះ គ្រប់គ្នាមកប្រណាំងរថយន្ត Formula One នឹងដឹងថា ពួកគេត្រូវការ Indian Grand Prix ជាចាំបាច់»។
លោកChandhok បានបញ្ជាក់ថា៖ «ប្រសិនបើយើងទទួលបរាជ័យ ខ្ញុំនឹងពិតជាខកចិត្ត ពីព្រោះវាបានធ្វើឲ្យយើងចំណាយរយៈពេល១០ឆ្នាំក្នុងការទទួលបានការ ប្រណាំងនេះក្នុងទីតាំងទី១។
វាគឺស្ថិតក្នុងឆ្នាំ១៩៩៩ ដែលលោក Bernie Ecclestone [អ្នកគ្រប់គ្រងសិទ្ធិពាណិជ្ជកម្មរបស់កីឡានេះ] បានពិភាក្សាជាលើកទី១ជាមួយនឹងមន្ត្រីរៀបចំការប្រណាំង និងម្ចាស់ឧបត្ថម្ភក្នុងប្រទេសឥណ្ឌា»។
ការប្រណាំងជាលើកទី១នៅលើទីលានផ្លូវខ្វាត់ខ្វែង BIC ក្នុងតំបន់ Greater Noida ជាយទីក្រុង Delhi បានកើតឡើងក្នុងឆ្នាំ២០១១។ វាគឺជាការប្រណាំងនៅលើទីលានដែលមានធូលីច្រើន កខ្វក់ និងច្របូកច្របល់ ខណៈដែលការប្រណាំងត្រូវបានបញ្ចប់នៅពេលព្រឹក។
អ្នកប្រណាំងមួយចំនួនមិនបានបញ្ចប់ការប្រណាំងឡើយ ហើយយន្តការី និងវិស្វករបានត្អូញត្អែរអំពីអគ្គិសនីដែលមិនអាចជឿជាក់បាន ក៏ដូចជាបញ្ហាជាមួយនឹងបំពង់ទឹកផងដែរ។
ចំណែកកីឡាករប្រណាំង និងប្រធានក្រុម បានរួមគ្នាកោតសរសើរទៅលើគុណភាពនៃទីលាន ហើយការប្រណាំងនេះត្រូវបានគាំទ្រយ៉ាងល្អ។ កាលពីឆ្នាំមុន ការប្រណាំងនេះបានដំណើរការក្នុងភាពរលូនជាង។
លោក Chandhok បានឲ្យដឹងថា៖ «នៅពេលនេះ រាល់អ្វីៗកំពុងតែដំណើរការដូចជាម៉ាស៊ីនប្រេងដ៏ល្អមួយអ៊ីចឹង»។
ការកើតឡើងស្របគ្នានៃស្ថានភាពដើរថយក្រោយនៃសេដ្ឋកិច្ចរបស់ ឥណ្ឌា និងការកើនឡើងនៃការប្រកួតពីប្រទេសផ្សេងទៀតបានធ្វើឲ្យការប្រណាំង នៅឥណ្ឌា ត្រូវបានលុបចោលចេញពីកម្មវិធីនៅឆ្នាំក្រោយ។
ការបាត់បង់ការប្រណាំងនេះ នឹងក្លាយជាការខកចិត្តដ៏ធំមួយដល់ក្រុមហ៊ុនផលិតរថយន្ត Ferrari, Mercedes និង Renault ដែលសុទ្ធសឹងចូលរួមក្នុងការប្រណាំង Formula One និងស្រេកឃ្លានក្នុងការបង្កើតឥទ្ធិពលមួយក្នុងប្រទេសដែលមានអត្រា ប្រជាជន១,២ពាន់លាននាក់មួយនេះ។
Formula One ក៏មានបញ្ហាក្នុងការបញ្ចូលទីលានចូលទៅក្នុងកម្មវិធីប្រណាំងផងដែរ។
បើទោះបីមិនមានការប្រណាំងនៅឥណ្ឌាក៏ដោយ ប៉ុន្តែ វានឹងមានការប្រណាំងចំនួន២២នៅក្នុងបញ្ជីបណ្តោះអាសន្នសម្រាប់ រដូវកាលឆ្នាំ២០១៤ ខណៈដែលការប្រណាំងពីរក្នុងចំណោមការប្រណាំងទាំងនេះ (ដែលអាចជាការប្រណាំងនៅរដ្ឋ New Jersey និងក្នុងប្រទេសកូរ៉េខាងត្បូង) អាចនឹងមិនស្ថិតក្នុងកម្មវិធីដែលត្រូវបានគេប្រកាសនេះឡើយ៕ IS
Link to: http://postkhmer.com/index.php/sport/other-sport/105581-f1-
No comments:
Post a Comment