សល់តែមួយឆ្នាំទៀតប៉ុណ្ណោះ ការប្រកួតបាល់ទាត់ពិភពលោក FIFA World Cup 2014 នឹងមកដល់មកហើយ។ ប្រទេសជើងឯក World Cup ៥សម័យប្រេស៊ីល បានត្រៀមកីឡដ្ឋានដល់ទៅ១២ ដើម្បីទទួលភ្ញៀវ៣១ប្រទេសផ្សេងទៀតសម្រាប់ព្រឹត្តិការណ៍ដ៏ធំនេះ។ សូមបង្ហាញប្រិយមិត្តពីកីឡដ្ឋានទាំង១២នោះ ដូចខាងក្រោមនេះ៖
១. កីឡដ្ឋានជាតិប្រេស៊ីល Mane Garrincha (អាចផ្ទុកអ្នកទស្សនាបាន ៧៦៩៣៥នាក់)
កីឡដ្ឋានជាតិប្រេស៊ីលនេះ
នឹងធ្វើជាធ្វើជាម្ចាស់ផ្ទះចំនួន៧ប្រកួតនៅ World Cup
ដែលក្នុងនោះ ៤ប្រកួតជាការប្រកួតក្នុងពូល
មួយប្រកួតវគ្គ១៦ក្រុមចុងក្រោយ មួយប្រកួតវគ្គ៨ក្រុមចុងក្រោយ
និងមួយប្រកួតទៀតគឺការប្រកួតយកចំណាត់ថ្នាក់លេខ៣។
២. កីឡដ្ឋាន Estadio Mineirao (ផ្ទុកអ្នកទស្សនាបាន ៦២៥៤៧នាក់)
កសាងឡើងនៅឆ្នាំ១៩៦៥ កីឡដ្ឋាន Mineirao ស្ថិតនៅទីក្រុង Belo
Horizonte ត្រូវបានកែលម្អឡើងវិញសម្រាប់ការប្រកួត Confederations
Cup ឆ្នាំនេះ និង World Cup 2014។ កីឡដ្ឋាននេះ
នឹងធ្វើជាម្ចាស់ផ្ទះ៦ប្រកួតនៅ World Cup ដែល៤ប្រកួតក្នុងពូល
មួយប្រកួតវគ្គ១៦ក្រុមចុងក្រោយ
និងមួយប្រកួតវគ្គពាក់កណ្ដាលផ្ដាច់ព្រ័ត្រ។
៣. កីឡដ្ឋាន Pantanal Arena (អាចផ្ទុកអ្នកទស្សនាបាន ៤២៩៦៨នាក់)
ខុសពីកីឡដ្ឋាន២ខាងលើ កីឡដ្ឋាន Pantanal Arena ដែលស្ថិតនៅទីក្រុង
Cuiaba នៅមិនទាន់សាងសង់រួចរាល់នៅឡើយទេ គិតមកទល់ពេលនេះ។
កីឡដ្ឋាននេះ នឹងធ្វើជាម្ចាស់ផ្ទះសម្រាប់ការប្រកួត៤ប្រកួត
ក្នុងវគ្គជម្រុះតាមពូលទាំងអស់។
៤. កីឡដ្ឋាន Baixada Arena (អាចផ្ទុកអ្នកទស្សនាបាន ៤ម៉ឺននាក់)
កីឡដ្ឋាន Baixada Arena ស្ថិតនៅទីក្រុង Curitiba
ត្រូវបានកសាងឡើងតាំងពីឆ្នាំ១៩១៤មកម្ល៉េះ
ប៉ុន្តែកំពុងត្រូវបានកែលម្អឡើងវិញសម្រាប់ការប្រកួត World Cup។
វានឹងក្លាយជាកន្លែងសម្រាប់ប្រកួត៤ប្រកួត នៅវគ្គជម្រុះតាមពូល។
៥. កីឡដ្ឋាន Castelao Arena (អាចផ្ទុកអ្នកទស្សនាបាន ៦៤៨៤៦នាក់)
មានទាន់មានការបញ្ជាក់ថាកីឡដ្ឋាន Castelao Arena
ដែលស្ថិតនៅទីក្រុង Fortaleza នឹងធ្វើជាម្ចាស់ផ្ទះ World Cup
ប៉ុន្មានប្រកួតនៅឡើយទេ។
៦. កីឡដ្ឋាន Amazonia Arena (ផ្ទុកអ្នកទស្សនាបាន ៤២៣៧៧នាក់)
កីឡដ្ឋាន Amazonia Arena មិនទាន់កសាងរួចរាល់នៅឡើយនោះទេ។
កីឡដ្ឋានដែលស្ថិតនៅក្រុង Manaus នេះ
នឹងត្រូវធ្វើជាម្ចាស់ផ្ទះ៤ប្រកួត
នៅវគ្គជម្រុះតាមពូលក្នុងការប្រកួត World Cup 2014។
៧. កីឡដ្ឋាន Dunas Arena (អាចផ្ទុកអ្នកទស្សនាបាន ៤២០៨៦នាក់)
កីឡដ្ឋាន Dunas Arena មិនទាន់ធ្វើរួចរាល់នោះទេ។ ស្ថិតនៅទីក្រុង
Natal កីឡដ្ឋាននេះ
នឹងទទួលធ្វើម្ចាស់ផ្ទះវគ្គជម្រុះតាមពូល៤ប្រកួត។
៨. កីឡដ្ឋាន Berro-Rio Stadium (ផ្ទុកអ្នកទស្សនាបាន ៥០២៨៧នាក់)
មិនខុសពីកីឡដ្ឋាន Dunas Arena នោះទេ កីឡដ្ឋាន Berro-Rio
មិនទាន់សាងសង់រួចរាល់ជាស្ថាពរនៅឡើយទេ។
កីឡដ្ឋាននេះនឹងធ្វើជាម្ចាស់ផ្ទះ World Cup ៥ប្រកួត
ដែលក្នុងនោះ៤ប្រកួតនាវគ្គជម្រុះតាមពូល
និង១ប្រកួតវគ្គ១៦ក្រុមចុងក្រោយ។
៩. កីឡដ្ឋាន Pernambuco Arena (ផ្ទុកអ្នកទស្សនាបាន ៤៣៩២១នាក់)
ក្រៅពីធ្វើជាម្ចាស់ផ្ទះ World Cup កីឡដ្ឋាន Pernambuco Arena
ក៏នឹងធ្វើជាកន្លែងប្រកួត Confederations Cup ផងដែឬ។
កីឡដ្ឋានដែលស្ថិតនៅទីក្រុង Recife នេះ
នឹងធ្វើជាម្ចាស់ផ្ទះ៤ប្រកួតនាវគ្គជម្រុះតាមពូល
និង១ប្រកួតវគ្គ១៦ក្រុមចុងក្រោយ។
១០. កីឡដ្ឋាន Maracana (ផ្ទុកអ្នកទស្សនាបាន ៧៦៣៩៥នាក់)
ស្ថិតនៅទីក្រុង Rio De Janeiro កីឡដ្ឋាន Maracana
ជាកីឡដ្ឋានធំបំផុតមួយរបស់ប្រទេសប្រេស៊ីល។
ក្រៅពីធ្វើជាកន្លែងប្រកួតវគ្គជម្រុះតាមពូល៤ប្រកួត
វគ្គ១៦ក្រុមចុងក្រោយ១ប្រកួត និងវគ្គ៨ក្រុមចុងក្រោយ១ប្រកួត
កីឡដ្ឋាននេះក៏ជាកន្លែងប្រកួតវគ្គផ្ដាច់ព្រ័ត្រផងដែរ។
១១. កីឡដ្ឋាន Fonte Nova Arena (ផ្ទុកអ្នកទស្សនាបាន ៥៦០០០នាក់)
កីឡដ្ឋាន Fonte Nova Arena នឹងធ្វើជាម្ចាស់ផ្ទះ World Cup
ចំនួន៥ប្រកួត ដែល៤ប្រកួតនៅវគ្គជម្រុះតាមពូល
និង១ប្រកួតទៀតនៅវគ្គ៨ក្រុមចុងក្រោយ។
១២. កីឡដ្ឋាន Corinthians Arena (អាចផ្ទុកអ្នកទស្សនាបាន ៦៥៨០៧នាក់)
ស្ថិតនៅទីក្រុង Sao Paulo កីឡដ្ឋាន Corinthians Arena
នឹងធ្វើជាម្ចាស់ផ្ទះការប្រកួតបើកឆាក World Cup 2014
បូករួមបីប្រកួតផ្សេងទៀតនាវគ្គជម្រុះតាមពូល
១ប្រកួតវគ្គ១៦ក្រុមចុងក្រោយ
និង១ប្រកួតវគ្គពាក់កណ្ដាលផ្ដាច់ព្រ័ត្រ។
Link to source:
http://news.sabay.com.kh
No comments:
Post a Comment