U23 កម្ពុជា​ត្រូវ​ប្តូរ​ឲ្យ​ជួប​ក្រុម​ខ្លាំង​ថ្ងៃ​​បើក​ឆាក​BIDC Cup 2013

ក្រុម​U23 ​កម្ពុជា​ត្រូវ​បានកែ​ប្រែ​ឲ្យ​​​ជួប​​ក្រុម​ខ្លាំង​ U23 ម៉ាឡេស៊ី​វិញសម្រាប់​​​ថ្ងៃ​បើក​ឆាក​ពាន​រង្វាន់ BIDC Cup ឆ្នាំ​២០១៣ បន្ទាប់​ពី​ការ​​​បង្ហាញ​កាល​​​ពី​សន្និសីទ​សារព័ត៌មាន​នៅ​​ដើម​សប្តាហ៍​នេះ ​​គឺ​ក្រុម​កម្ពុជា​ត្រូវ​​ជួប​​ក្រុមខ្សោយ​ U23 ឡាវ​។ ​

យោង​តាម​​កម្មវិធី​ប្រកួត​ពាន​រង្វាន់ បាល់ទាត់​យុវជន​ក្រោម​អាយុ២៣ឆ្នាំ​ក្នុង​មហាអនុតំបន់​ទន្លេមេគង្គ ២០១៣ (BIDC Cup 2013) ​ដែល​ដាក់​បង្ហាញ​នៅ​ថ្ងៃ​សន្និសីទ​សារព័ត៌មាន និង ចាប់​ពូល កាល​​ល្ងាច​ថ្ងៃ​ទី ២១ តុលា កន្លង​ទៅ នៅ​សណ្ឋាគារ​ណាហ្គាវើល ក្រុម U23 ​កម្ពុជា ត្រូវ​ប៉ះ​ក្រុម U23 ឡាវ នៅ​ថ្ងៃ​បើក​ឆាក។ ប៉ុន្តែ​នៅ​ថ្ងៃ​​នេះ​សហព័ន្ធ​កីឡា​បាល់ទាត់​កម្ពុជា​បាន​ចេញ​​កម្មវិធី​ ប្រកួត​ថ្មី​មួយ​ទៀត​ដែល​​មាន​ការ​កែតម្រូវ​គូ​ប្រកួត​​មួយ​ចំនួន ដោយ​ថ្ងៃ​ដំបូង​ក្រុម U23 កម្ពុជា ប៉ះ ក្រុម​ U23 ម៉ាឡេស៊ី នៅ​ថ្ងៃ​បើក​ឆាក​មុន ខណៈ​វៀតណាម ប៉ះ​មីយ៉ាន់ម៉ា ដដែល (កម្មវិធី​ប្រកួត​នៅ​ខាង​ក្រោម)។

ពូល A	ពូល B
U22 វៀតណាម​	U23 កម្ពុជា​
U22 មីយ៉ាន់ម៉ា	U23 ឡាវ
U23 ថៃ​	U23 ម៉ាឡេស៊ី​

ក្រុម​មីយ៉ាន់ម៉ា លើក​ពាន BIDC Cup 2011 កន្លង​ទៅ

ការ​ប្រកួត​ពាន​រង្វាន់ BIDC Cup 2013 មាន​​ផ្សាយ​​ផ្ទាល់​តាម​ទូរទស្សន៍​ជាតិ​កម្ពុជា (TVK) នៅ​ថ្ងៃ​បើក​ឆាក និង មាន​ផ្សាយ​ផ្ទាល់​តាម​ទូរទស្សន៍ MY TV នៅ​ប្រកួត​បន្តបន្ទាប់។ ចំណែក​សំបុត្រ​ចូល​ទស្សនា​មាន​លក់ ៤ ពាន់​រៀល នៅ​កន្លែង​មាន​ម្លប់ និង ២ ពាន់​រៀល​នៅ​កន្លែង​​អង្គុយ​ខាង​ក្រៅ​ជុំ​វិញ​ទីលាន​ប្រកួត។

អត្ថបទ​ពាក់ព័ន្ធ​​នឹង​ពាន​រង្វាន់ BIDC Cup 2013 សួមចុច…

កម្មវិធី​ប្រកួត BIDC Cup 2013
ថ្ងៃ​ប្រកួត​	ម៉ោង​	ពូល​	គូ​ប្រកួត​			ទីលាន
២/១១/២០១៣​	២ រសៀល​	A	វៀតណាម​	Vs	មីយ៉ាន់ម៉ា	ពហុ​កីឡដ្ឋាន​ជាតិ​
	៤ រសៀល​	B	ម៉ាឡេស៊ី​	Vs	កម្ពុជា​
៤/១១/២០១៣​	២ រសៀល​	B	ឡាវ​	Vs	ម៉ាឡេស៊ី​
	៤ រសៀល​	A	មីយ៉ាន់ម៉ា	Vs	ថៃ​
៦/១១/២០១៣​	២ រសៀល​	A	ថៃ​	Vs	វៀតណាម​
	៤ រសៀល​	B	ឡាវ	Vs	កម្ពុជា​
៨/១១/២០១៣​	២ រសៀល​	Semi Final	លេខ១​ពូល A	Vs	លេខ ២ ពូល B
	៤ រសៀល​		លេខ ១ ពូល​ B	Vs	លេខ ២ ពូល A
១០/១១/២០១៣​	៤ រសៀល​	Final	អ្នក​ឈ្នះ​១/២	Vs	អ្នក​ឈ្នះ​១/២

សល់​តែ  ៩ ថ្ងៃ​ទៀត​ប៉ុណ្ណោះ ការ​ប្រកួត​មក​ដល់​ហើយ កុំ​ភ្លេច​ចូលរួម​ទស្សនា​ទាំង​អស់​គ្នា​ណា !
Link to: http://news.sabay.com.kh/articles/494556